Category: Latest News

Telangana Formation Day: తెలంగాణ 12వ ఆవిర్భావ దినోత్సవానికి పరేడ్ గ్రౌండ్స్ సిద్ధమైంది. ఎండ తీవ్రత వల్ల ఉదయం 8:30 గంటలకే సీఎం రేవంత్ రెడ్డి జెండా ఆవిష్కరిస్తారు. ఈ వేదికగా 2.5 లక్షల ఇందిరమ్మ ఇళ్లు, 2 లక్షల మందికి కొత్త చేయూత పెన్షన్లు, నిరుద్యోగుల కోసం మెగా ఉద్యోగ నోటిఫికేషన్లను ప్రభుత్వం ప్రకటించనుంది. సికింద్రాబాద్ పరిసరాల్లో ఉదయం 7 నుండి మధ్యాహ్నం 12 వరకు ట్రాఫిక్ ఆంక్షలు అమలులో ఉంటాయి.

Ponnam Prabhakar: హైదరాబాద్‌లో పవన్ కళ్యాణ్ నిర్వహించ తలపెట్టిన ‘నవనిర్మాణ సభ’పై మంత్రి పొన్నం ప్రభాకర్ తీవ్ర అభ్యంతరం వ్యక్తం చేశారు. గతంలో తెలంగాణపై పవన్ చేసిన వ్యాఖ్యలకు క్షమాపణ చెప్పాలని డిమాండ్ చేశారు. ఏపీలో అధికారం ఇచ్చారు కాబట్టి నవనిర్మాణం అక్కడే చూపించుకోవాలని హితవు పలికారు. అలాగే, బీజేపీ రెమ్యూనరేషన్ ఇస్తేనే పవన్ ఇక్కడికి వస్తున్నారని, దమ్ముంటే కొండగట్టు అంజన్న సాక్షిగా ప్రమాణం చేయాలని సవాల్ విసిరారు.