Tag: National News

డాలర్‌తో పోలిస్తే రూపాయి విలువ మునుపెన్నడూ లేనంతగా రూ.96.68 కి పడిపోవడంతో ఆర్‌బీఐ రూ.41,000 కోట్ల ($5 బిలియన్లు) విలువైన ‘Rupee: డాలర్-రూపీ స్వాప్ ఆక్షన్’ ప్రకటించింది. మే 26న జరిగే ఈ వేలం ద్వారా బ్యాంకులు తమ డాలర్లను ఆర్‌బీఐకి ఇచ్చి రూపాయలను పొందుతాయి. మళ్లీ మూడేళ్ల తర్వాత ఆ డాలర్లను వెనక్కి తీసుకుంటాయి. ఈ చర్య వల్ల మార్కెట్లో రూపాయి కొరత తీరి, కరెన్సీ విలువ స్థిరపడుతుందని ఆర్‌బీఐ భావిస్తోంది.

Supreme Court: దేశంలో నిర్వహించే జనగణనలో కులాల వివరాల లెక్కింపును సవాలు చేస్తూ దాఖలైన పిటిషన్‌ను సుప్రీంకోర్టు కొట్టివేసింది. కులగణన అనేది ప్రభుత్వాల విధానపరమైన నిర్ణయమని, ఇందులో కోర్టులు జోక్యం చేసుకోలేవని సీజేఐ జస్టిస్ సూర్యకాంత్ స్పష్టం చేశారు. వెనుకబడిన వర్గాలకు సంక్షేమ పథకాలను సరిగ్గా అమలు చేయాలంటే కులాల వారీ డేటా అవసరమని సుప్రీంకోర్టు తీర్పునిచ్చింది.

ఆన్‌లైన్ ఈ-ఫార్మసీల అడ్డగోలు డిస్కౌంట్లు, నకిలీ ప్రిస్క్రిప్షన్ల విక్రయాలకు నిరసనగా AIOCD పిలుపు మేరకు దేశవ్యాప్తంగా 12.4 లక్షల మెడికల్ షాపులు నేడు బంద్ పాటిస్తున్నాయి. అయితే ఆసుపత్రి ఫార్మసీలు, అత్యవసర సేవలు యథావిధిగా పనిచేస్తాయని, 12 రాష్ట్రాలలో ఈ సమ్మె ప్రభావం ఉండదని ప్రభుత్వం తెలిపింది.