Tag: National News

Child Marriages: జాతీయ సర్వేల ప్రకారం దేశంలో బాల్య వివాహాల ముప్పు ఇంకా కొనసాగుతోంది. ఈ జాబితాలో బెంగాల్, బీహార్ మొదటి స్థానాల్లో ఉండగా, ఏపీ, తెలంగాణలు 7, 8 స్థానాల్లో ఉన్నాయి. మరోవైపు, దేశంలో పురుషుల ఆత్మహత్యల సంఖ్య (1.24 లక్షలు) మహిళల కంటే దాదాపు మూడు రెట్లు ఎక్కువగా ఉండటం ఆందోళన కలిగిస్తోంది.

స్కూళ్లు, కాలేజీలు, ఆసుపత్రులు, బస్టాండ్ల వంటి బహిరంగ ప్రదేశాల నుండి వీధి కుక్కలను పూర్తిగా తొలగించి షెల్టర్ హోమ్‌లకు Supreme Court: తరలించాలన్న తమ పాత ఉత్తర్వులను సవరించడానికి సుప్రీంకోర్టు నిరాకరించింది. కుక్కలకు టీకాలు వేసినా సరే మళ్లీ రద్దీ ప్రాంతాల్లో వదలకూడదని స్పష్టం చేసింది. భయం లేకుండా తిరిగే హక్కు పౌరుడి జీవించే హక్కు (ఆర్టికల్ 21) లో భాగమని, దీనిపై అధికారులు నిర్లక్ష్యం వహిస్తే కోర్టు ధిక్కరణ చర్యలు ఉంటాయని హెచ్చరించింది.

CM Vijay: తమిళనాడు సీఎం విజయ్ రాష్ట్రంలోని 620 అమ్మ కాంటీన్లను ఆధునీకరించాలని, నాణ్యమైన ఆహారాన్ని అందించాలని మున్సిపల్ శాఖను ఆదేశించారు. పాడైపోయిన పాత్రలను మార్చడంతో పాటు వంట గదుల్లో పరిశుభ్రత పాటించేలా నిరంతర తనిఖీలు చేయాలన్నారు. గతంలో ఆయన 717 మద్యం దుకాణాలను మూసివేయించి సంచలనం సృష్టించిన సంగతి తెలిసిందే.

Petrol-Diesel Prices: దేశవ్యాప్తంగా లీటరు పెట్రోల్, డీజిల్ ధరలపై సగటున 90 పైసలు పెరిగాయి. చమురు కంపెనీలు పెంచిన ఈ ధరలు తక్షణమే అమలులోకి వచ్చాయి. దీనివల్ల వాహనదారులపై అదనపు భారం పడటమే కాకుండా, రవాణా ఖర్చులు పెరిగి నిత్యావసర వస్తువుల ధరలు కూడా పెరిగే ప్రమాదం ఉంది.

Drone Attack: రష్యా రాజధాని మాస్కోపై ఉక్రెయిన్ జరిపిన భారీ డ్రోన్ దాడుల్లో ఒక భారతీయ కార్మికుడు మరణించగా, ముగ్గురు గాయపడ్డారు. గత 24 గంటల్లో రష్యా 1,000 కంటే ఎక్కువ ఉక్రెయిన్ డ్రోన్లను కూల్చివేసింది. కీవ్‌పై రష్యా చేసిన దాడులకు ప్రతీకారంగానే ఈ చర్యలు తీసుకున్నట్లు ఉక్రెయిన్ తెలిపింది. బాధిత భారతీయులకు రాయబార కార్యాలయం అన్ని విధాలా సహాయం అందిస్తోంది.

Padma Awards: మే 25న న్యూఢిల్లీలోని రాష్ట్రపతి భవన్‌లో పద్మ అవార్డుల ప్రదానోత్సవం ఘనంగా జరగనుంది. రాష్ట్రపతి ద్రౌపది ముర్ము చేతుల మీదుగా మొత్తం 131 మంది ప్రముఖులకు (5 పద్మ విభూషణ్, 13 పద్మభూషణ్, 113 పద్మశ్రీ) ఈ పురస్కారాలను అందజేయనున్నారు. ఈ వేడుకలో ప్రధాని మోదీ, అమిత్ షా తదితరులు పాల్గొంటారు.

CBSE: సీబీఎస్‌ఈ బోర్డు జూలై 1 నుండి 9, 10 తరగతుల విద్యార్థులకు మూడు భాషల విధానాన్ని తప్పనిసరి చేసింది. ఇందులో కనీసం రెండు భారతీయ భాషలు ఉండాలి. అయితే, ఈ మూడవ భాషకు బోర్డు పరీక్ష ఉండదు, కేవలం పాఠశాలల అంతర్గత మూల్యాంకనం మాత్రమే ఉంటుంది. దీనివల్ల విద్యార్థుల బోర్డు పరీక్షల అర్హతకు ఎలాంటి ఇబ్బంది కలగదు.

తమిళనాడు సీఎం విజయ్ తన మంత్రివర్గంలో శాఖలను కేటాయించారు. హోం, పోలీస్, సాధారణ పరిపాలనతో పాటు గతంలో ఉదయనిధి స్టాలిన్ పర్యవేక్షించిన ‘ప్రత్యేక పథకాల అమలు’ శాఖ మరియు ఎన్నికల హామీ ప్రకారం మహిళా, యువజన సంక్షేమ శాఖలతో కలిపి మొత్తం 17 కీలక శాఖలను సీఎం విజయ్ తన వద్దే ఉంచుకున్నారు.

Neet Paper Leak: నీట్ 2026 బయాలజీ పేపర్ సెట్టింగ్ కమిటీలో ఉన్న ప్రొఫెసర్ మనీషా మాంధారేను సీబీఐ అరెస్ట్ చేసింది. ఆమె పుణేలోని తన ఇంట్లో రహస్య క్లాసులు పెట్టి పరీక్షకు ముందే ప్రశ్నలను లీక్ చేసి, విద్యార్థుల నుండి లక్షల రూపాయలు వసూలు చేసినట్లు ఆరోపణలు వచ్చాయి. ఈ కేసులో ప్రధాన సూత్రధారి అయిన కెమిస్ట్రీ ప్రొఫెసర్ కులకర్ణి ఇచ్చిన సమాచారంతోనే ఈమె దొరికిపోయింది.