Tag: National News

Pm Modi: ఢిల్లీలో నేడు రాజకీయంగా రెండు కీలక సమావేశాలు జరగనున్నాయి. ఉదయం 11 గంటలకు ప్రధాని మోడీ అధ్యక్షతన కేంద్ర క్యాబినెట్ భేటీ కానుంది. నెహ్రూ రికార్డును అధిగమించి సుదీర్ఘ కాలం ప్రధానిగా ఉన్నందుకు మోడీని మంత్రులు సన్మానించనున్నారు. అనంతరం మధ్యాహ్నం 3 గంటలకు భారత మండపంలో ఎన్డీఏ ముఖ్యనేతలు, సీఎంలతో మెగా మీటింగ్ జరగనుంది. మోడీ 12 ఏళ్ల పాలన విజయాలు, భవిష్యత్ కార్యాచరణపై ఇందులో చర్చించనున్నారు.

Starlink: ఇరాన్ యుద్ధంలో స్టార్‌లింక్ టెర్మినల్స్ వాడకంపై వచ్చిన నివేదికల నేపథ్యంలో భారత హోం శాఖ స్టార్‌లింక్ అనుమతులను నిలిపివేసింది. ముంబైలో హబ్, 10 గేట్‌వేలు సిద్ధంగా ఉన్నా జాతీయ భద్రత దృష్ట్యా కేంద్రం బ్రేకులు వేసింది. జూన్ 12న స్పేస్‌ఎక్స్ ఐపీఓ ఉన్న తరుణంలో ఇది మస్క్‌కు పెద్ద ఎదురుదెబ్బ. అలాగే జియో, ఎయిర్‌టెల్ శాటిలైట్ విభాగాలపై కూడా డేటా భద్రత విషయంలో కేంద్రం తీవ్ర స్క్రూటినీ చేస్తోంది.

MK Stalin: తమిళనాడులో సీఎం విజయ్ నేతృత్వంలోని టీవీకే ప్రభుత్వం మరో మూడు నెలలైనా నిలబడుతుందా? అని డీఎంకే చీఫ్ ఎం.కె. స్టాలిన్ ప్రశ్నించారు. కొత్త ప్రభుత్వంపై విమర్శలు పెరుగుతున్నాయని, ఆరు నెలల వరకు మాట్లాడనన్నా.. ప్రస్తుత పరిస్థితుల వల్ల ముందే స్పందించాల్సి వస్తోందన్నారు. అలాగే ప్రత్యర్థి తోటలోని మల్లెపూవు కూడా సువాసన ఇస్తుందన్న అన్నాదురై మాటలను గుర్తు చేస్తూ.. పాత పార్టీలపై అనవసర విమర్శలు చేయవద్దని కొత్తగా చేరిన కార్యకర్తలకు స్టాలిన్ సూచించారు.

Annamalai: తమిళనాడులో ఒక రాజకీయ శూన్యత ఉందన్న అన్నామలై జోస్యం నిజమైంది. 2026 అసెంబ్లీ ఎన్నికల్లో నటుడు విజయ్ నేతృత్వంలోని టీవీకే పార్టీ 108 స్థానాలు గెలుచుకుని ద్రావిడ పార్టీల 60 ఏళ్ల ఏకఛత్రాధిపత్యాన్ని బద్దలు కొట్టింది. అన్నామలై ప్రతిపాదించిన థర్డ్ స్పేస్ వ్యూహాన్నే విజయ్ కొద్దిపాటి మార్పులతో విజయవంతంగా అమలు చేసి సీఎం అయ్యారు. ప్రస్తుతం బీజేపీని వీడిన అన్నామలై.. ‘AMI’ ఉద్యమం ద్వారా సొంతంగా సరికొత్త రాజకీయ ప్రస్థానాన్ని ప్రారంభించారు.