PM Modi: గత కొంతకాలంగా భారత్‌పై ఆగ్రహంగా ఉన్న అమెరికా అధ్యక్షుడు డొనాల్డ్ ట్రంప్ ఇప్పుడు తన వైఖరిని మార్చుకున్నారు. రష్యా నుంచి చమురు కొనుగోలు విషయంలో భారత్‌పై సుంకాలు విధించి తీవ్ర విమర్శలు చేసిన ట్రంప్, ఇప్పుడు భారత ప్రధాని నరేంద్ర మోదీని పొగడ్తలతో ముంచెత్తారు. మోదీ గొప్ప ప్రధాని అని, తమ మధ్య స్నేహ సంబంధం ఉందని ట్రంప్ వ్యాఖ్యానించారు. ఈ వ్యాఖ్యలకు ప్రధాని మోదీ సానుకూలంగా స్పందించారు.
ట్రంప్ స్వరం మార్పు
ఇటీవల చైనాలో జరిగిన షాంఘై సహకార సంస్థ సదస్సులో ప్రధాని మోదీ, రష్యా అధ్యక్షుడు పుతిన్, చైనా అధ్యక్షుడు జిన్‌పింగ్ కలిసి ఉన్న ఫోటోపై ట్రంప్ తన ‘ట్రూత్‌ సోషల్‌’లో వ్యంగ్యాస్త్రాలు విసిరారు. భారత్, రష్యా దేశాలు చైనా వలలో చిక్కుకున్నాయని వ్యాఖ్యానించారు. ఈ వ్యాఖ్యల తర్వాత భారత్-అమెరికా సంబంధాలు దెబ్బతిన్నాయని అంతా భావించారు. కానీ, ఆ తర్వాత ఒకరోజులోనే ట్రంప్ తన స్వరాన్ని మార్చుకున్నారు. మీడియా ప్రతినిధులతో మాట్లాడుతూ, భారత్‌తో తమకు ప్రత్యేక బంధం ఉందని, కొన్ని విషయాల్లో మాత్రమే విభేదాలు ఉన్నాయని స్పష్టం చేశారు. ప్రధాని మోదీ తనకు ఎప్పటికీ స్నేహితుడేనని, ఆయన ఒక గొప్ప నాయకుడని కితాబిచ్చారు.
Also Read: Red Fort: ఎర్ర‌కోట‌లో భారీ చోరీ.. వ‌జ్రాల‌తో పొదిగిన క‌ల‌శం అప‌హ‌ర‌ణ
మోదీ స్పందన
ట్రంప్ చేసిన ఈ సానుకూల వ్యాఖ్యలపై ప్రధాని మోదీ తన ‘ఎక్స్‌’ ఖాతాలో స్పందించారు. “ఇరు దేశాల సంబంధాలపై అధ్యక్షుడు ట్రంప్ భావాలను, సానుకూల దృక్పథాన్ని అభినందిస్తున్నా. భారత్, అమెరికా మధ్య గొప్ప భవిష్యత్తు, వ్యూహాత్మక భాగస్వామ్యం ఉన్నాయి” అని పోస్ట్ చేశారు. మోదీ చేసిన ఈ ట్వీట్ ఇరు దేశాల మధ్య మైత్రిని మరింత బలోపేతం చేస్తుందని విశ్లేషకులు అభిప్రాయపడుతున్నారు. ట్రంప్ సుంకాలు విధించినప్పటికీ, మోదీ-ట్రంప్ మధ్య వ్యక్తిగత సంబంధాలు దృఢంగా ఉన్నాయని ఈ పరిణామం సూచిస్తోంది.
ట్రంప్ తాజా వ్యాఖ్యలు భారత్-అమెరికా మధ్య సుంకాల వివాదాన్ని తగ్గించే అవకాశాలు ఉన్నాయని నిపుణులు భావిస్తున్నారు. గతంలో ట్రంప్ హయాంలో భారత్‌పై సుంకాలు విధించడంతో ఇరు దేశాల మధ్య వాణిజ్యపరమైన ఉద్రిక్తతలు పెరిగాయి. ఇప్పుడు ట్రంప్ సానుకూల వైఖరితో భవిష్యత్తులో ఈ విభేదాలు పరిష్కారమయ్యే అవకాశం ఉందని ఆశిస్తున్నారు. రెండు దేశాల నేతల మధ్య ఉన్న వ్యక్తిగత స్నేహం దౌత్యపరమైన సమస్యలను పరిష్కరించడానికి ఉపయోగపడుతుందని విశ్లేషకులు చెబుతున్నారు.
Deeply appreciate and fully reciprocate President Trump’s sentiments and positive assessment of our ties.
India and the US have a very positive and forward-looking Comprehensive and Global Strategic Partnership.@realDonaldTrump @POTUS https://t.co/4hLo9wBpeF
— Narendra Modi (@narendramodi) September 6, 2025