Hyderabad: తెలంగాణలో ప్రభుత్వ ఉద్యోగాల కోసం ఎదురుచూస్తున్న అభ్యర్థులకు శుభవార్త. తెలంగాణ పబ్లిక్ సర్వీస్ కమిషన్ (TGPSC) గురువారం గ్రూప్-3 సర్వీసుల కోసం ప్రొవిజనల్ ఎంపిక జాబితాని విడుదల చేసింది. మొత్తం 1,388 పోస్టులలో 1,370 మంది అభ్యర్థులు ఎంపికైనట్లు ప్రకటించింది.
ఈ ఫలితాలు TGPSC అధికారిక వెబ్సైట్ లో అందుబాటులో ఉన్నాయి. అభ్యర్థులు తమ హాల్ టికెట్ నంబర్ ద్వారా ఫలితాలను తనిఖీ చేయవచ్చు.
గ్రూప్-3 ఎంపిక ప్రక్రియ 14 మార్చ్ 2025 న విడుదలైన జనరల్ ర్యాంకింగ్ లిస్ట్ (GRL) ఆధారంగా పూర్తయిందని కమిషన్ తెలిపింది. అయితే, ఫలితాలు కోర్టులో పెండింగ్ ఉన్న రిట్ పిటిషన్ల తీర్పుకు లోబడి ఉంటాయి.
కమిషన్ మరోసారి హెచ్చరిస్తోంది, అభ్యర్థులు తప్పుడు సమాచారం ఇచ్చినట్లు తేలితే, వారి ఎంపిక ఏ దశలోనైనా రద్దు చేయబడవచ్చు. టీజీపీఎస్సీ కార్యదర్శి డాక్టర్ ప్రియాంక దీనిని అధికారిక ఉత్తర్వుల్లో పేర్కొన్నారు.
అభ్యర్థులు ఫలితాలను సమీక్షించి, తదుపరి ప్రక్రియ కోసం తమ వివరాలను తనిఖీ చేసుకోవాలి.