Lokesh Kanagaraj: తమిళ దర్శకుడు లోకేష్ కనగరాజ్ ఇప్పుడు బాలీవుడ్‌లో అడుగుపెట్టబోతున్నారు. కైతీ 2 పూర్తయిన వెంటనే ఆమిర్ ఖాన్‌తో ఓ భారీ చిత్రాన్ని రూపొందించనున్నారు. ఈ సినిమా కేవలం భారతీయ ప్రేక్షకుల కోసం మాత్రమే కాక, అంతర్జాతీయ స్థాయిలో ఆకట్టుకునేలా ఉంటుందని లోకేష్ వెల్లడించారు. ఇది ఓ భారీ యాక్షన్ ఎంటర్‌టైనర్‌గా తెరకెక్కనుంది. అయితే, ఇది సూపర్‌హీరో చిత్రమా అనే విషయంపై లోకేష్ సస్పెన్స్ కొనసాగిస్తున్నారు.
Also Read: Kingdom: విజయ్ దేవరకొండ ‘కింగ్డమ్’ నుంచి హార్ట్ టచింగ్ అప్డేట్!
ఆమిర్ ఖాన్‌తో లోకేష్ కాంబినేషన్ అంచనాలను రెట్టింపు చేస్తోంది. లోకేష్ గత చిత్రాలైన విక్రమ్, లియో లాంటి బ్లాక్‌బస్టర్‌లు ఆయన యాక్షన్ శైలికి హామీ. ఈ చిత్రం బాలీవుడ్‌లోనే అతిపెద్ద యాక్షన్ మూవీగా నిలిచే అవకాశం ఉందని సినీ విశ్లేషకులు అంచనా వేస్తున్నారు. కథ, ఇతర వివరాలపై ఇంకా సమాచారం వెల్లడి కానప్పటికీ, ఈ ప్రాజెక్ట్ సినీ ప్రియుల్లో ఉత్కంఠ రేపుతోంది.