Bollywood Films: 2025 సంవత్సరం బాలీవుడ్ చిత్ర పరిశ్రమకు అంత బాగా ప్రారంభం కాలేదు. ఇప్పటివరకు తమిళం, తెలుగు. మలయాళం, 2025 సంవత్సరంలో తమ తొలి హిట్ సినిమాను అందుకున్నాయి. కానీ బాలీవుడ్ ఈ సంవత్సరం తన తొలి హిట్‌ను ఇంకా అందుకోలేదు. ఈ సంవత్సరం అజయ్ దేవగన్ చిత్రం ‘ఆజాద్’తో ప్రారంభమైంది. ఇప్పటివరకు బాక్సాఫీస్ వద్ద చాలా పెద్ద సినిమాలు విడుదలయ్యాయి. కానీ ఈ సంవత్సరం బాలీవుడ్ కు అదృష్టం కలిసి వచ్చేలా కనిపించడం లేదు. నిజానికి, ఇప్పటివరకు విడుదలైన అన్ని సినిమాలు బాక్సాఫీస్ వద్ద పరాజయాలు పాలయ్యాయి. ఆ సినిమాల జాబితాను క్రింద చూద్దాం..
ఈ సంవత్సరం విడుదలైన మొదటి చిత్రం బాలీవుడ్ స్టార్ అజయ్ దేవగన్ చిత్రం ‘ఆజాద్’. ఈ చిత్రం జనవరి 17న ప్రేక్షకుల ముందుకు వచ్చింది. ఈ చిత్రంలో అజయ్ దేవగన్ మేనల్లుడు అమన్ దేవగన్, రవీనా టాండన్ కుమార్తె రాషా తడాని నటించారు. వారిద్దరూ ఆజాద్ చిత్రంతో నటుడిగా అరంగేట్రం చేశారు. అయితే, ఆ సినిమా విడుదలైన తర్వాత బాక్సాఫీస్ వద్ద భారీ పరాజయం పాలైంది. ఆజాద్ ఏడు రోజుల్లో దాదాపు రూ.6.77 కోట్లు సంపాదించింది. ఈ సినిమా బడ్జెట్ 40 కోట్లు..
బాలీవుడ్ నటి కంగనా రనౌత్ నటించిన అత్యంత ఆసక్తికర చిత్రం ‘ఎమర్జెన్సీ’ జనవరి 17న ‘ఆజాద్’ చిత్రంతో పాటు బాక్సాఫీస్ వద్ద విడుదలైంది. ‘ఎమర్జెన్సీ’ ఒక రాజకీయ నాటక చిత్రం. కానీ ప్రేక్షకులకు ఈ సినిమా అస్సలు నచ్చలేదు ఆ సినిమా బాక్సాఫీస్ వద్ద పరాజయం పాలైంది. ఈ సినిమా బడ్జెట్ రూ. 60 కోట్లు కాగా, 10 రోజుల్లో ఇండియన్ బాక్సాఫీస్ వద్ద రూ. 6.70 కోట్లు మాత్రమే రాబట్టగలిగింది.
ఇది కూడా చదవండి: Naga Chaitanya: అక్కినేని ఫ్యామిలీని నిలబెట్టిన చైతూ! గర్వపడుతున్న నాగార్జున!
Bollywood Films: బాలీవుడ్ ముగ్గురు ఖాన్‌లలో ఒకరైన ఆమిర్ ఖాన్ కుమారుడు జునైద్ ఖాన్, శ్రీదేవి కుమార్తె ఖుషీ కపూర్ నటించిన ‘లవ్యాపా’ చిత్రం ఫిబ్రవరి 7న బాక్సాఫీస్ వద్ద విడుదలైంది. ఈ సినిమా లవ్ టుడే రీమేక్. ఈ సినిమా ప్రారంభం నుంచి ప్రేక్షకులను ఆకట్టుకుంటోంది. కానీ అనుకునంతా విజయం కాకపోవడంతో ఆ సినిమా బాక్సాఫీస్ వద్ద భారీ పరాజయం పాలైంది.
షాహిద్ కపూర్ చిత్రం ‘దేవా’ జనవరి 31న థియేటర్లలో విడుదలైంది. ఇందులో షాహిద్ కపూర్ తో నటి పూజా హెగ్డే కెమిస్ట్రీ కనిపించింది. కానీ వారిద్దరి మధ్య కెమిస్ట్రీ ప్రేక్షకులపై తన మ్యాజిక్‌ను పని చూపించలేకపోయింది. దింతో ఆ చిత్రం బాక్సాఫీస్ వద్ద పరాజయం పాలైంది. ఈ సినిమా 50 కోట్లతో నిర్మించబడింది.
బాలీవుడ్ గాయకుడు హిమేష్ రేషమ్మియా 5 సంవత్సరాల తర్వాత ‘బాడాస్ రవికుమార్’ చిత్రంతో తిరిగి వచ్చాడు. కానీ ఈ సినిమా పేరు కూడా ఫ్లాప్ లిస్ట్‌లో చేరింది. ఈ చిత్రం ఫిబ్రవరి 7న థియేటర్లలో విడుదలైంది. ‘బ్యాడాస్ రవికుమార్’ మూడు రోజుల్లో కేవలం 6.15 కోట్లు మాత్రమే రాబట్టింది.
స్కై ఫోర్స్ – అక్షయ్ కుమార్ చిత్రం ‘స్కై ఫోర్స్’ జనవరి 24న విడుదలైంది. వీర్ పహాడియా ఈ సినిమాతో అరంగేట్రం చేశాడు. కానీ ఈ జంట ప్రేక్షకులను ఆకట్టుకోలేకపోయింది మరియు ఆ చిత్రం బాక్సాఫీస్ వద్ద విఫలమైంది.