Mouli: యూత్‌ఫుల్ ఎంటర్టైనర్ ‘మ్యాడ్’ సినిమా బాక్సాఫీస్ వద్ద సందడి చేసింది. ఈ ఫ్రాంచైజీలో విష్ణు చేసిన ‘లడ్డూ’ పాత్ర ప్రేక్షకులను ఆకట్టుకుంది. అసలు ఈ పాత్ర మౌళికి ఆఫర్ అయిన విషయం ఆసక్తికరం. పూర్తి వివరాలు చూద్దాం.
Also Read: Alcohol Teaser: ఆకట్టుకుంటున్న ఆల్కహాల్ టీజర్!
‘మ్యాడ్’, ‘మ్యాడ్ స్క్వేర్’ చిత్రాలు యూత్‌ని ఆకర్షించి, బాక్సాఫీస్ వద్ద భారీ వసూళ్లు రాబట్టాయి. సంగీత్ శోభన్, రామ్ నితిన్, నార్నే నితిన్‌లతో పాటు విష్ణు ఓయి కెరీర్‌కి ఈ సినిమాలు బిగ్ బ్రేక్ ఇచ్చాయి. ‘మ్యాడ్ స్క్వేర్’లో విష్ణు చేసిన ‘లడ్డూ’ పాత్ర కథకు బలం చేకూర్చింది. ఆసక్తికరంగా, ఈ పాత్ర మొదట #90’s వెబ్ సిరీస్‌తో ఫేమస్ అయిన యూట్యూబర్ మౌళికి ఆఫర్ అయింది. ‘లిటిల్ హార్ట్స్’ ప్రమోషన్స్‌లో మౌళి ఈ విషయాన్ని వెల్లడించారు. దర్శకుడు కళ్యాణ్ శంకర్ ఆడిషన్ లేకుండానే తనను ఎంచుకున్నారని, కానీ వ్యక్తిగత అనుభవాల కారణంగా నటనకు బదులు రైటింగ్‌పై దృష్టి పెట్టాలని నిర్ణయించినట్లు చెప్పారు. దీంతో ఈ అవకాశం విష్ణుకి దక్కగా, ఆయన అద్భుత నటనతో ప్రేక్షకుల మనసు గెలిచారు.