Rajasthan: రాజస్థాన్‌లో ఘోర ప్రమాదం చోటుచేసుకుంది. రాజస్థాన్‌లోని ఝాలవర్‌లో గురువారం, జూలై 24, 2025 న ఒక పాఠశాల పైకప్పు కూలిపోవడంతో నలుగురు చిన్నారులు మరణించారు. ఈ ఘటన జిల్లాలోని పిలావత గ్రామ పంచాయతీ పరిధిలోని ఓ ప్రభుత్వ పాఠశాలలో చోటు చేసుకుంది. గురువారం ఉదయం విద్యార్థులు పాఠశాలలో ఉన్న సమయంలోనే భవనం పైకప్పు ఒక్కసారిగా కూలిపోయింది. ఈ ప్రమాదంలో శిథిలాల కింద చిక్కుకున్న నలుగురు చిన్నారులు అక్కడికక్కడే మృతి చెందారు.
Also Read: Chittoor: చిత్తూరులో దారుణం: ప్రియుడి కోసం ఒంటికి నిప్పంటించుకున్న కానిస్టేబుల్
మరికొందరు విద్యార్థులు గాయపడ్డారు. వారిని వెంటనే ఆసుపత్రికి తరలించి చికిత్స అందిస్తున్నారు. సమాచారం అందుకున్న పోలీసులు, విపత్తు నిర్వహణ బృందాలు ఘటనా స్థలానికి చేరుకుని సహాయక చర్యలు చేపట్టాయి. పాత భవనం కావడంతోనే ఈ ప్రమాదం జరిగిందని స్థానికులు చెబుతున్నారు. ఈ ఘటనతో గ్రామంలో తీవ్ర విషాదం అలుముకుంది. భవిష్యత్తులో ఇలాంటి ఘటనలు పునరావృతం కాకుండా అధికారులు తగిన చర్యలు తీసుకోవాలని ప్రజలు కోరుతున్నారు.