RGV: వివాదాస్పద దర్శకుడు రామ్ గోపాల్ వర్మ గురించి మరోసారి చర్చ మొదలైంది. గత కొంతకాలంగా సరైన హిట్ లేక అభిమానులను నిరాశపరుస్తున్న వర్మ.. కాంట్రవర్సీలతోనే కాలం గడుపుతున్నారని విమర్శలు వస్తున్నాయి. అయితే, ఒకప్పుడు ‘సత్య’, ‘శూల్’, ‘కౌన్’ లాంటి సినిమాలతో బాక్సాఫీస్‌ను షేక్ చేసిన ఆయన.. ఇప్పుడు కొత్త ప్రయోగంతో మళ్లీ సందడి చేయడానికి రెడీ అవుతున్నారు. ఈసారి హార్రర్‌కు కామెడీని మిక్స్ చేసి ‘పోలీస్ స్టేషన్ మే భూత్’ అనే సినిమాను తెరకెక్కిస్తున్నట్లు వర్మ సంచలన ప్రకటన చేశారు. ఈ చిత్రంలో విలక్షణ నటుడు మనోజ్ బాజ్‌పాయ్ కీలక పాత్రలో కనిపించనున్నారు. ‘ప్రజలకు భయం వేస్తే పోలీస్ స్టేషన్‌కు వెళ్తారు.. కానీ పోలీసులకే దెయ్యం వల్ల భయం వేస్తే ఎక్కడికి వెళ్తారు?’ అనే ఆసక్తికర కాన్సెప్ట్‌తో ఈ సినిమా రూపొందుతోంది. అదిరిపోయే VFX వర్క్‌తో ఈ హార్రర్ కామెడీ ప్రేక్షకులను అలరించనుందని వర్మ చెప్పుకొచ్చారు. తొలిసారి ఇలాంటి జోనర్‌ను టచ్ చేస్తున్న RGV.. మళ్లీ ఫామ్‌లోకి వస్తారా? ఈ సినిమాతో అభిమానులను ఆకట్టుకుంటారా? అనేది చూడాలి. ఇప్పటికే ఈ ప్రాజెక్ట్‌పై సినీ వర్గాల్లో హైప్ మొదలైంది. RGV మార్క్ సినిమాటిక్ ఎక్స్‌పీరియన్స్ కోసం ఫ్యాన్స్ ఎదురుచూస్తున్నారు!
After SATYA, KAUN and SHOOL I am thrilled to announce , me and @BajpayeeManoj are once again teaming up for a HORROR COMEDY a genre which neither of us did
I have done horror , gangster, romantic , political dramas , adventure capers, thrillers etc but never a HORROR COMEDY…
— Ram Gopal Varma (@RGVzoomin) April 9, 2025