Ustaad Bhagat Singh: పవర్ స్టార్ పవన్ కళ్యాణ్ ఫ్యాన్స్‌కు డబుల్ ధమాకా. ఒకవైపు హరిహర వీరమల్లు రిలీజ్‌కు సిద్ధంగా ఉండగా, మరోవైపు ఉస్తాద్ భగత్ సింగ్ షూటింగ్ జోరందుకుంది. ఈ చిత్రంలో శ్రీలీలతో పాటు రాశీ ఖన్నా కూడా నటిస్తున్నట్లు మేకర్స్ అధికారికంగా ప్రకటించారు. రాశీ ఖన్నా శ్లోక అనే పాత్రలో ఫోటోగ్రాఫర్‌గా కనిపించనుంది. ఆమె ఫస్ట్ లుక్ పోస్టర్ నెట్టింట వైరల్‌గా మారింది. హరీష్ శంకర్ దర్శకత్వంలో తెరకెక్కుతున్న ఈ యాక్షన్ ఎంటర్‌టైనర్‌లో దేవిశ్రీ ప్రసాద్ సంగీతం సమకూరుస్తున్నారు. మైత్రి మూవీ మేకర్స్ నిర్మిస్తున్న ఈ చిత్రం పవన్ ఫ్యాన్స్‌కు మాస్ ట్రీట్ ఇవ్వనుందని టాక్. రాశీ ఎంట్రీతో సినిమాపై అంచనాలు మరింత పెరిగాయి.
