Priyamani: ప్రియమణి మరోసారి వెబ్ సిరీస్‌తో ప్రేక్షకులను అలరించడానికి సిద్ధమవుతోంది. ఆమె నటించిన ‘గుడ్ వైఫ్’ జులై 4 నుంచి జియో హాట్‌స్టార్‌లో తెలుగు, తమిళ, హిందీ సహా ఏడు భాషల్లో స్ట్రీమింగ్ కానుంది. ఈ సిరీస్‌లో సంపత్ రాజ్, రేవతి, ఆరి అర్జునన్ కీలక పాత్రల్లో కనిపించనున్నారు. ఇటీవల విడుదలైన ట్రైలర్ సిరీస్‌పై భారీ అంచనాలు రేకెత్తించింది. ప్రియమణి ఈ సిరీస్‌లో తరుణికగా, ఇద్దరు పిల్లల తల్లిగా కనిపిస్తూ, అనూహ్యంగా లాయర్‌గా మారుతుంది. ఆమె భర్త (సంపత్ రాజ్) ఓ స్కామ్‌లో ఇరుక్కొని అరెస్ట్ కావడంతో తరుణిక జీవితం తలకిందులవుతుంది. భర్తను కాపాడేందుకు ఆమె చేసిన పోరాటం, లాయర్‌గా ఆమె ప్రస్థానం, ఈ కథలో దాగిన రహస్యాలు సిరీస్‌ను ఆసక్తికరంగా మార్చాయి. అమెరికన్ సిరీస్ ‘ది గుడ్ వైఫ్’ రీమేక్ అయినప్పటికీ, రేవతి దర్శకత్వంలో ఇండియన్ నేటివిటీకి తగ్గట్టు చేసిన మార్పులు, ఆకట్టుకునే కోర్టు సన్నివేశాలు ఈ సిరీస్‌ను ప్రత్యేకం చేస్తాయి.
