Trump: అమెరికా అధ్యక్షుడు డొనాల్డ్ ట్రంప్ తన ఐదు రోజుల ఆసియా దేశాల పర్యటనను మలేషియా రాజధాని కౌలాలంపూర్‌లో ఘనంగా ప్రారంభించారు. రెండవసారి అధ్యక్షుడిగా ఎన్నికైన తర్వాత ఆయన మలేషియాకు రావడం ఇదే తొలిసారి. వాషింగ్టన్ నుంచి దాదాపు 23 గంటల సుదీర్ఘ విమాన ప్రయాణం తర్వాత కూడా 79 ఏళ్ల ట్రంప్ చాలా ఉత్సాహంగా కనిపించారు.
ఘనస్వాగతానికి ఉల్లాసంగా స్పందన:
కౌలాలంపూర్ అంతర్జాతీయ విమానాశ్రయంలో దిగిన ట్రంప్‌కు రెడ్ కార్పెట్ స్వాగతం లభించింది. మలేషియా ప్రధాని అన్వర్ ఇబ్రహీమ్ స్వయంగా ఎయిర్‌పోర్టుకు వచ్చి ట్రంప్‌ను ఆహ్వానించారు. ఈ సందర్భంగా, మలేషియా సంస్కృతిని ప్రతిబింబిస్తూ, రంగురంగుల దుస్తులు ధరించిన స్థానిక కళాకారులు సాంప్రదాయ నృత్యంతో స్వాగతం పలికారు.
కళాకారుల ఉత్సాహానికి స్పందించిన అధ్యక్షుడు ట్రంప్, తనదైన శైలిలో వారితో కలిసి స్టెప్పులేశారు. బీట్‌కు తగ్గట్టుగా చేతులు కదుపుతూ, ఉల్లాసంగా డ్యాన్స్ చేశారు. ఆయనతో పాటు ప్రధాని అన్వర్ ఇబ్రహీమ్ కూడా కాలు కదిపారు. దీనికి సంబంధించిన వీడియో నెట్టింట వైరల్గా మారింది. నెటిజన్లు ట్రంప్ ఉత్సాహాన్ని మెచ్చుకుంటూ, ‘వయసుతో సంబంధం లేదు’ అంటూ కామెంట్లు పెడుతున్నారు.
Also Read: Nara Lokesh: “బ్లూ బ్యాచ్ సమాజానికి ప్రమాదకరం”: ఫేక్ ప్రచారాలపై చర్యలకు మంత్రి లోకేశ్ ఆదేశం!
ఆసియా పర్యటన లక్ష్యం:
ఆసియాలో చైనా ప్రభావం పెరుగుతున్న నేపథ్యంలో, ఇక్కడ బలమైన భాగస్వాములను నిర్మించడంపై ట్రంప్ ఈ పర్యటనలో ప్రధానంగా దృష్టి సారించారు. ముఖ్యంగా వాణిజ్య సంబంధాలను బలోపేతం చేసుకోవడం ఈ టూర్ ప్రధాన ఉద్దేశం.
ముఖ్యమైన సమావేశాలు:
మలేషియా: ఇక్కడ జరిగే ఆసియాన్ (ASEAN) దేశాల కూటమి సమావేశంలో ట్రంప్ పాల్గొంటారు.
జపాన్: తదుపరి టోక్యోకు వెళ్లి, కొత్తగా ఎన్నికైన జపాన్ ప్రధాని సనే తకైచితో ద్వైపాక్షిక చర్చలు జరుపుతారు.
దక్షిణ కొరియా: ఇక్కడి జియోంగ్జులో జరిగే ఆసియా-పసిఫిక్ ఆర్థిక సహకార (APEC) శిఖరాగ్ర సమావేశానికి హాజరవుతారు.
ఉత్తర కొరియా, చైనాపై చర్చ:
APEC సమావేశాల సందర్భంగా ట్రంప్ – చైనా అధ్యక్షుడు జి జిన్‌పింగ్‌తో సమావేశం కానున్నారు. ఈ భేటీలో ప్రధానంగా వాణిజ్య ఉద్రిక్తతలు, తైవాన్ సమస్య, జిమ్మీ లై విడుదల అంశం గురించి చర్చించే అవకాశం ఉంది. అలాగే, ఉత్తర కొరియా అధినాయకుడు కిమ్ జోంగ్ ఉన్తో డీమిలిటరైజ్డ్ జోన్ (DMZ)లో అనధికారిక సమావేశం జరిగే అవకాశం కూడా ఉందని అధికారులు తెలిపారు.
President Trump just proved he’s the best dancer ever, breaking out his signature moves right after stepping off Air Force One in Malaysia! 🕺🔥 #TrumpDance #MalaysiaMADANI#RancakkanMADANI#MADANIbekerja#ASEAN2025 pic.twitter.com/QoqvLnu2rP
— Asif Khan (@_asif) October 26, 2025