Srilakshmi: ఓబులాపురం అక్రమ మైనింగ్ కేసులో ఐఏఎస్ అధికారిణి శ్రీలక్ష్మికి తెలంగాణ హైకోర్టులో చుక్కెదురైంది. తనను నిర్దోషిగా ప్రకటించాలని కోరుతూ ఆమె దాఖలు చేసిన రివిజన్ పిటిషన్‌ను ఉన్నత న్యాయస్థానం శుక్రవారం (జూలై 25, 2025) కొట్టివేసింది. దీంతో ఈ కేసులో శ్రీలక్ష్మిని హైకోర్టు నిందితురాలిగా నిర్ధారించినట్లయింది.
వాస్తవానికి, ఓఎంసీ (ఓబులాపురం మైనింగ్ కంపెనీ) కేసులో శ్రీలక్ష్మిని కింది కోర్టు ఇప్పటికే నిందితురాలిగా పేర్కొంది. ఇప్పుడు హైకోర్టు కూడా ఆమె పిటిషన్‌ను కొట్టివేయడంతో, ఈ కేసులో ఆమె పాత్రపై సీబీఐ (కేంద్ర దర్యాప్తు సంస్థ) విచారణ జరపడానికి మార్గం సుగమమైంది.
Also Read: Turkish Airlines: తుర్కిష్ ఎయిర్‌లైన్స్ ఫ్లైట్ లో ప్రయాణికుడు మృతి..మృతదేహం మాయం
ఓబులాపురం మైనింగ్ కంపెనీకి చెందిన అక్రమ మైనింగ్ వ్యవహారంలో శ్రీలక్ష్మి ప్రమేయం ఉన్నట్లు ఆరోపణలు ఉన్నాయి. ఈ కేసు దేశవ్యాప్తంగా సంచలనం సృష్టించిన విషయం తెలిసిందే. ఈ కేసులో ఆమె దాఖలు చేసిన పిటిషన్ కొట్టివేయడం ఆమెకు పెద్ద ఎదురుదెబ్బగా పరిగణించబడుతోంది. కోర్టు తీర్పు నేపథ్యంలో, సీబీఐ తన దర్యాప్తును మరింత వేగవంతం చేసే అవకాశం ఉంది.