Supreme Court: న్యాయవ్యవస్థ మీద ప్రజలకు నమ్మకం వుండాలి. కానీ అదే కోర్టును మోసం చేస్తే? ఆ మోసమే సుప్రీంకోర్టులో జరిగితే? ఆశ్చర్యంగా ఉన్నా ఇదే జరిగింది. సుప్రీంకోర్టు గదిలో ఉన్న న్యాయవాదులందరూ నిశ్శబ్దంలోకి వెళ్లిపోయారు. ఈ కేసు విచారణలో బయటపడిన నిజాలు న్యాయ వ్యవస్థ మీద నమ్మకాన్ని ఉల్లంఘించేలా ఉన్నాయి.
ఒక భూమి వివాదానికి సంబంధించిన కేసు సుప్రీంకోర్టు చుట్టూ తిరుగుతున్నదే కానీ, అసలు ముద్దాయే (respondent) తనపై కేసు ఉన్నదే తెలియదంటూ కోర్టుకు చెప్పాడు. విభిన్నంగా ఏమి జరిగిందంటే, అతని పేరుతో ఎవరో నకిలీ పిటిషన్ వేసి, కోర్టు నుండి తాత్కాలిక ఉత్తర్వు (interim order) తీసుకున్నాడు.
ఈ మోసాన్ని గుర్తించిన వెంటనే, జస్టిస్ పిఎస్ నరసింహ, జస్టిస్ జోయ్‌మల్య బాగ్చిల ధర్మాసనం ఆ ఉత్తర్వును తక్షణమే ఉపసంహరించుకుంది. అంతేగాక, మూడువారాల్లోగా పూర్తి స్థాయిలో అంతర్గత విచారణ జరిపి నివేదిక ఇవ్వాలని సుప్రీంకోర్టు రిజిస్ట్రీని ఆదేశించింది.
ఏం జరిగింది? ఎవరు బాధ్యులు?
ఈ కేసులో విపిన్ బిహారీ సిన్హా అలియాస్ విపిన్ ప్రసాద్ సింగ్ అనే వ్యక్తి, హరీష్ జైస్వాల్ అనే వ్యాజ్యదారుడి పేరుతో తనకు ఎటువంటి అనుమతి లేకుండా, నకిలీ పత్రాలతో సుప్రీంకోర్టులో పిటిషన్ దాఖలు చేశాడు.
ఇది కూడా చదవండి: Fire Accident: హైదరాబాద్‌లో భారీ అగ్నిప్రమాదం.. మంటల్లో చిక్కుకున్న 10 మంది
హరీష్ జైస్వాల్ తరపున ప్రాతినిధ్యం వహించినట్లు చెప్పిన న్యాయవాది కూడా ఈ కేసులో ఎటువంటి అనుమతితోనూ కోర్టులో హాజరు కాలేదని, తన క్లయింట్ కూడా ఎవ్వరిని నియమించలేదని స్పష్టం చేశారు. దీనిని కోర్టు తీవ్రమైన మోసంగా పరిగణించింది.
మోసానికి చట్టపరమైన మరియు నైతిక పరిప్రేక్ష్యం
ప్రతివాదులు చెబుతున్న దాని ప్రకారం, విపిన్ బిహారీ సిన్హా రూ.63,000 చెల్లించినప్పటికీ సేల్ డీడ్ చేయలేదు. అయినా తనకు హక్కులున్నట్లు చూపిస్తూ సుప్రీంకోర్టును మోసం చేశాడు. ఇది న్యాయ ప్రక్రియను అవమానించడం మాత్రమే కాదు, భవిష్యత్తులో ఇటువంటి మోసాలకు బలం చేకూర్చే ప్రమాదం కూడా.
ముందస్తు చర్యలు – కేసు సీరియస్
సుప్రీంకోర్టు ఈ కేసును అత్యంత సీరియస్‌గా తీసుకుంది. అవసరమైతే ఎఫ్ఐఆర్ నమోదు చేసి, నేరశిక్షలు విధించవచ్చని సూచించింది. ఇదివరకు కటారా కేసులోనూ ఇటువంటి మోసం జరిగిన దృష్టాంతాన్ని ప్రస్తావించింది. దాంతో CBI దర్యాప్తుకు ఆదేశించింది.