Sampradayini Suppini Suddhapoosani: శివాజీ, లయ మరోసారి ప్రేక్షకుల ముందుకు రానున్నారు. ‘సాంప్రదాయిని సుప్పిని సుద్దపూసని’ అనే ఆసక్తికర టైటిల్‌తో కొత్త సినిమా తెరకెక్కుతోంది. చిత్తూరు నేపథ్యంలో రూపొందుతున్న ఈ చిత్రంలో క్రైమ్ ఎలిమెంట్ కూడా ఉంది. ఇందులో శివాజీ పంచాయతీ సెక్రెటరీగా నటిస్తున్నారు. పూర్తి వివరాలు చూద్దాం.
Also Read: Vishal: ట్రెండింగ్ బ్యూటీలతో విశాల్ రొమాన్స్?
శివాజీ, లయ జంట అప్పట్లో సంచలనం సృష్టించింది. ఇప్పుడు వీరిద్దరూ ‘సాంప్రదాయిని సుప్పిని సుద్దపూసని’ సినిమాతో మళ్లీ ప్రేక్షకులను అలరించేందుకు సిద్ధమవుతున్నారు. శ్రీ శివాజీ ప్రొడక్షన్స్ బ్యానర్‌పై సుధీర్ శ్రీరామ్ దర్శకత్వంలో ఈ చిత్రం రూపొందుతోంది. చిత్తూరు నేపథ్యంలో కథ నడుస్తుంది, ఇందులో క్రైమ్ ఎలిమెంట్ కూడా ఉందని మోషన్ పోస్టర్ సూచిస్తోంది. శివాజీ పంచాయతీ సెక్రెటరీ శ్రీరామ్ పాత్రలో కనిపిస్తారట. ఫస్ట్ లుక్ పోస్టర్‌లో శివాజీ, లయ సీరియస్‌గా కనిపిస్తే, ‘90’s’ ఫేమ్ రోహన్ సెల్ఫీ తీసుకుంటూ ఆసక్తి రేకెత్తిస్తున్నాడు. అలీ, ధన్ రాజ్, రఘుబాబు, పృధ్వీ వంటి నటులు కీలక పాత్రలు పోషిస్తున్నారు. రంజిన్ రాజ్ సంగీతం, రిత్విక్ రెడ్డి సినిమాటోగ్రఫీ, బాలు మనోజ్ ఎడిటింగ్‌తో సినిమా సిద్ధమవుతోంది. ఈటీవీ విన్‌తో శివాజీ మరోసారి కలిసి పనిచేస్తున్నారు. శివాజీ కం బ్యాక్ లో స్ట్రాంగ్ హిట్స్ కొట్టడంతో ఈ సినిమాపై కూడా ప్రేక్షకుల్లో భారీ అంచనాలు పెరిగాయి. మరి ఈ సినిమా అంచనాలని అందుకుంటుందో లేదో చూడాలి.
View this post on Instagram