Shubman Gill: భారత్, ఇంగ్లాండ్ మధ్య జరిగిన రెండో టెస్ట్ (IND vs ENG)లో భారత కెప్టెన్ శుభ్‌మాన్ గిల్ అద్భుతమైన డబుల్ సెంచరీ సాధించి కొత్త రికార్డు సృష్టించాడు. 269 పరుగులతో, ఇంగ్లాండ్‌లో అత్యధిక పరుగులు చేసిన కెప్టెన్‌గా అతను నిలిచాడు. ఈ సిరీస్‌లో నాలుగో స్థానంలో బ్యాటింగ్ చేస్తున్న గిల్, కోహ్లీ గురించి మరచిపోయేలా చేస్తున్నాడు. కోహ్లీ కెప్టెన్ అయినప్పుడు ఆడిన అదే ప్రదర్శనను గిల్ కొనసాగిస్తున్నాడు, మొదటి రెండు టెస్ట్‌లలో వరుసగా సెంచరీలు చేశాడు. రెండో టెస్ట్ తొలి ఇన్నింగ్స్‌లో శుభ్‌మన్ గిల్ 269 పరుగులు చేశాడు. యశస్వి జైస్వాల్ (87), రవీంద్ర జడేజా (89), వాషింగ్టన్ సుందర్ (42) లతో సెంచరీ భాగస్వామ్యాలను పంచుకున్నాడు.
ఇది కూడా చదవండి: Jamie Smith: చరిత్ర సృష్టించిన ఇంగ్లాండ్ వికెట్ కీపర్ జామీ స్మిత్
ఇది అతని తొలి టెస్ట్ డబుల్ సెంచరీ. ఇంగ్లీష్ గడ్డపై డబుల్ సెంచరీ చేసిన తొలి ఆసియా కెప్టెన్‌గా ప్రపంచ రికార్డును అతను కలిగి ఉన్నాడు. ఇంగ్లాండ్ టూర్ అంతటా గిల్ ఇదే ఫామ్‌ను కొనసాగిస్తే, టీమ్ ఇండియా నంబర్ 4 ఎవరు అనే ప్రశ్నే ఉండదు. కోహ్లీ టీమ్ ఇండియాను తన భుజాలపై మోసినట్లే, శుభ్‌మన్ గిల్ భవిష్యత్తులో కూడా అదే చేసే అవకాశం ఉంది. శుభ్‌మన్ గిల్ కెప్టెన్‌గా కూడా రాణించాడు. తొలి టెస్టులో ఓడిపోయినప్పటికీ గిల్ కెప్టెన్సీ బాగానే రాణించింది. ఇంగ్లాండ్ పర్యటనలో గిల్ కెప్టెన్‌గా బాగా రాణిస్తే, వన్డే కెప్టెన్సీ బాధ్యత అతనికి అప్పగించే అవకాశం ఉంది. అలా అయితే, టీమ్ ఇండియాలో గిల్ శకం ప్రారంభమవుతుంది.