Kannappa: విష్ణు మంచు డ్రీమ్ ప్రాజెక్ట్ ‘కన్నప్ప’ బాక్సాఫీస్‌ను షేక్ చేస్తోంది. బుక్‌మైషోలో ఈ సినిమా 5 లక్షలకు పైగా టికెట్లను అమ్ముకుని సంచలనం సృష్టించింది. ముఖేష్ కుమార్ సింగ్ దర్శకత్వంలో రూపొందిన ఈ పౌరాణిక చిత్రం, ప్రభాస్, అక్షయ్ కుమార్, మోహన్‌లాల్ వంటి స్టార్లతో పాన్-ఇండియా స్థాయిలో ఆకట్టుకుంటోంది. తెలుగుతో పాటు హిందీ, తమిళం, కన్నడ, మలయాళ భాషల్లో విడుదలైన ఈ సినిమా, తెలుగు రాష్ట్రాల్లో అత్యధిక ఆదరణ పొందింది. మొదటి రోజు రూ. 9.35 కోట్లు, మొదటి వారాంతంలో రూ. 23.75 కోట్లు వసూలు చేసి విష్ణు మంచు కెరీర్‌లోనే బెస్ట్ ఓపెనింగ్‌గా నిలిచింది. శివభక్తుడైన కన్నప్ప కథతో ఆధ్యాత్మిక భావోద్వేగాలను రేకెత్తించిన ఈ చిత్రం, హైదరాబాద్‌లో భారీ బుకింగ్‌లతో దూసుకెళ్తోంది.తెలుగు ప్రేక్షకుల్లో ఇప్పటికీ జోరు కొనసాగుతోంది.
