Hyderabad: తెలంగాణ రాష్ట్ర రోడ్ ట్రాన్స్‌పోర్ట్ కార్పొరేషన్ (TGSRTC) ఉద్యోగులు సమ్మెలు చేయకుండా హెచ్చరికలు జారీ చేసింది. సంస్థ యాజమాన్యం వెల్లడించిన ప్రకారం, ఎస్మా (Essential Services Maintenance Act) చట్టం కింద ఆర్టీసీలో సమ్మెలు నిషేధించబడ్డాయి. అందువల్ల విధులకు ఆటంకం కలిగించిన ఉద్యోగులపై చట్టపరమైన చర్యలు తప్పవని స్పష్టం చేసింది.
2019లో జరిగిన సమ్మెతో సంస్థ తీవ్ర ఆర్థిక సంక్షోభానికి గురైన సందర్భాన్ని గుర్తు చేస్తూ, తిరిగి అలాంటి పరిస్థితులు రాకుండా జాగ్రత్తలు తీసుకోవాల్సిన అవసరం ఉందని అధికారులు పేర్కొన్నారు.
ఈ నేపథ్యంలో, టీజీఎస్ ఆర్టీసీ (TGSRTC) ఉద్యోగ సంఘాలు కూడా ఉద్యోగులకు సూచిస్తున్నాయి:
“సమ్మె చేసినా లాభం లేదు, నష్టం మాత్రమే. గత అనుభవాలనుండి పాఠాలు నేర్చుకోవాలి. సంస్థ అభివృద్ధికి, ఉద్యోగ భద్రత కోసం మేము కట్టుబడి ఉన్నాం” అని పేర్కొన్నారు.
ప్రస్తుత పరిణామాల నేపథ్యంలో, ఆర్టీసీ ఉద్యోగులు ఎలాంటి నిర్ణయాలు తీసుకునే ముందు రెండు సార్లు ఆలోచించాలని యాజమాన్యం సూచిస్తోంది.