Raghavendra Rao: సీనియర్ ఎన్టీఆర్ కెరీర్‌లో ఐకానిక్ చిత్రాల్లో ‘అడవి రాముడు’ ఒకటి. 1977లో విడుదలై బాక్సాఫీస్‌ను షేక్ చేసిన ఈ చిత్రం దర్శకుడు కె. రాఘవేంద్రరావు కెరీర్‌కు బిగ్ బ్రేక్ ఇచ్చింది. తాజాగా ఓ ఇంటర్వ్యూలో రాఘవేంద్రరావు ఈ సినిమా గురించి సంచలన విషయాలు వెల్లడించారు. ‘అడవి రాముడు’ కోసం మొదట ఎన్టీఆర్‌నే అనుకున్నామని, సోషల్ మీడియాలో శోభన్ బాబు హీరోగా అనుకున్నారన్న రూమర్స్ అవాస్తవమని స్పష్టం చేశారు. ‘శోభన్ బాబు కూడా ఈ కథకు సూటవుతారని ఓ ఆలోచనగా అనుకున్నాం. కానీ, ప్రొడ్యూసర్ ఎన్టీఆర్‌తో మాట్లాడగా, ఆయన వెంటనే ఒప్పుకున్నారు. నా దగ్గర ఉన్న కథా సారాంశాన్ని అడవి రాముడుగా డెవలప్ చేశాం’ అని రాఘవేంద్రరావు వివరించారు. ఈ వ్యాఖ్యలు సోషల్ మీడియాలో వైరల్ అవుతున్నాయి. ఎన్టీఆర్ యాక్షన్, ఎమోషన్‌తో ‘అడవి రాముడు’ తెలుగు సినిమా చరిత్రలో చిరస్థాయిగా నిలిచిన సంగతి తెలిసిందే. ఈ కామెంట్స్ ఫ్యాన్స్‌లో కొత్త చర్చకు తెరలేపాయి.
