Guru Purnima 2025: గురువుని త్రిమూర్తుల స్వరూపంగా భావించే భారతీయ సంస్కృతిలో, గురుపౌర్ణమి చాలా ముఖ్యమైన పర్వదినం. ఈ ఏడాది గురుపౌర్ణమి జూలై 10న గురువారం రావడంతో భక్తులు ఎంతో ఆనందంగా ఈ పండుగను జరుపుకోనున్నారు.
ఈ రోజున దేశవ్యాప్తంగా శిరిడీ సాయిబాబా దేవాలయాలు, దత్తాత్రేయ మందిరాలు భక్తులతో నిండిపోతాయి. ప్రత్యేక అలంకరణలు, పూజలు, హారతులు నిర్వహించబడతాయి. వేదవ్యాస మహర్షి జన్మతిథి అయినందున ఈ రోజున వ్యాసపౌర్ణమి అని కూడా పిలుస్తారు. వేదాలు, పురాణాలను అందించిన వేదవ్యాసుడిని స్మరించుకుంటూ భక్తులు పూజలు చేస్తారు.
గురుపౌర్ణమి విశేషత
గురువు అంటే మన జీవితంలో చీకటి తొలగించి జ్ఞానదీపం వెలిగించే వ్యక్తి. గురువు లేకుండా విజయం సాధించడం చాలా కష్టం. గురుపౌర్ణమి రోజు గురువును పూజిస్తే జీవితంలో సంతోషం, శాంతి, జ్ఞానం కలుగుతాయని పెద్దలు చెబుతారు.
ఈ పండుగను గురువులతో పాటు తల్లిదండ్రులకు కూడా అంకితంగా జరుపుకోవచ్చు. ఎందుకంటే తల్లిదండ్రులే మన మొదటి గురువులు.
గురుపౌర్ణమి 2025 ముహూర్తాలు
-
తిథి ప్రారంభం: జూలై 9 అర్థరాత్రి
-
తిథి ముగింపు: జూలై 10 అర్థరాత్రి
-
బ్రహ్మ ముహూర్తం: ఉదయం 4:10 – 4:50
-
అభిజిత్ ముహూర్తం: ఉదయం 11:59 – 12:54
-
విజయ ముహూర్తం: మధ్యాహ్నం 12:45 – 3:40
-
గోధూళి ముహూర్తం: సాయంత్రం 7:21 – 7:41
ఇది కూడా చదవండి: Mega Parents-Teachers Meeting: నేడు ఏపీలో మెగా పేరెంట్ టీచర్ మీటింగ్..రెండు కోట్ల పైగా జనంతో ఈవెంట్..
ఇంట్లో ఇలా పూజించండి
-
తెల్లవారుజాము లేచి స్నానం చేసి శుభ్రమైన దుస్తులు ధరించండి.
-
పూజా స్థలాన్ని శుభ్రం చేసి, ఒక పీఠం/ఆసనం ఏర్పాటు చేయండి.
-
పండ్లు, పూలు, ధూపం, దీపం, నైవేద్యం సిద్ధం చేసుకోండి.
-
శ్రీ మహావిష్ణు, లక్ష్మీదేవి, వేదవ్యాసుడిని, మీ గురువులను పూజించండి.
-
విష్ణు పూజలో తులసి ఆకులు తప్పనిసరిగా వాడండి.
-
రాత్రి చంద్రుని దర్శనం చేసి, అర్ఘ్యం సమర్పించండి.
-
తల్లిదండ్రుల పాదాలకు నమస్కరించి ఆశీర్వాదం తీసుకోండి.
ఇంకా ఏం చేయాలి?
-
గురువు ఫోటోకి కుంకుమ, చందనం పెట్టి పూజించండి.
-
వేదవ్యాసుడు రచించిన గ్రంథాలను చదవండి.
-
గురువు చెప్పిన మంత్రాలు జపించండి.
-
‘ఓం గురుభ్యో నమః’ మంత్రాన్ని పదే పదే జపించండి.
-
గురువుకు బహుమతులు ఇవ్వండి.
-
మీకు శక్తి మేరకు పేదలకు విద్యాసంబంధిత వస్తువులు, పసుపు రంగు వస్తువులు దానం చేయండి.
-
గురువు చెప్పిన మార్గదర్శనాన్ని జీవితంలో పాటిస్తానని ప్రణాళిక తీసుకోండి.
గమనిక:
ఈ సమాచారం పురాణాలు, నమ్మకాల ఆధారంగా ఇచ్చినది. అనుసరించేముందు మీరు విశ్వసించే పెద్దలు లేదా పండితుల సలహా తీసుకోవచ్చు.