War 2: వార్ 2 సినిమా కోసం అభిమానుల ఆతృత రోజురోజుకూ పెరిగిపోతోంది. జులై 25న ఈ చిత్రం ట్రైలర్ విడుదల కానుంది. హృతిక్ రోషన్, ఎన్టీఆర్‌ల హై-వోల్టేజ్ యాక్షన్ సీక్వెన్స్‌లతో ఈ ట్రైలర్ అదిరిపోనుందని సమాచారం. యష్ రాజ్ ఫిల్మ్స్ బ్యానర్‌లో అయాన్ ముఖర్జీ దర్శకత్వంలో రూపొందిన ఈ సినిమా, 2019 వార్ చిత్రానికి సీక్వెల్‌గా వస్తోంది. కియారా అడ్వాణీ కీలక పాత్రలో కనిపించనుంది. ముంబై, స్పెయిన్, ఇటలీ, అబుధాబిలలో షూటింగ్ జరిగిన ఈ చిత్రం ఆగస్టు 14న హిందీ, తెలుగు, తమిళ భాషల్లో విడుదల కానుంది. ఎన్టీఆర్‌ను విక్రమ్‌గా, హృతిక్‌ను కబీర్‌గా చూపించే ఈ సినిమా, రెండు బలమైన పాత్రల మధ్య జరిగే ఉత్కంఠ జోడీని వెండితెరపై ఆవిష్కరించనుంది. సోషల్ మీడియాలో ఇప్పటికే ట్రైలర్ గురించి హైప్ నెలకొంది.
