India vs South Africa: మహిళల అండర్‌-19 టీ-20 ప్రపంచకప్‌ ఫైనల్‌ మ్యాచ్‌లో దక్షిణాఫ్రికా భారత్‌కు 83 పరుగుల లక్ష్యాన్ని నిర్దేశించింది. కౌలాలంపూర్‌లో టాస్ గెలిచి బ్యాటింగ్ ఎంచుకున్న దక్షిణాఫ్రికా జట్టు 20 ఓవర్లలో 82 పరుగులకు ఆలౌటైంది.
ఒకానొక సమయంలో ఆ జట్టు 44 పరుగులకే 5 వికెట్లు కోల్పోయింది. ఇక్కడి నుంచి కరాబో మాసియో 10 పరుగులు, మైకీ వాన్ వూర్స్ట్ 23 పరుగులు, ఫే కౌలింగ్ 15 పరుగులు చేయడంతో స్కోరు 80కి చేరుకుంది. భారత్ తరఫున జి త్రిష 3 వికెట్లు పడగొట్టింది. ఆయుషి శుక్లా, పరుణికా సిసోడియా, వైష్ణవి శర్మ తలో 2 వికెట్లు తీశారు. షబ్నమ్ షకీల్‌కు ఒక వికెట్ దక్కింది.
టోర్నమెంట్‌లో డిఫెండింగ్ ఛాంపియన్‌గా నిలిచిన టీమ్ ఇండియా, 2023లో ఫైనల్లో ఇంగ్లండ్‌ను ఓడించి టైటిల్‌ను గెలుచుకుంది. దక్షిణాఫ్రికా తొలిసారి ఫైనల్‌కు చేరుకుంది. ఈ టోర్నీలో ఇప్పటి వరకు వీరిద్దరూ ఏ మ్యాచ్‌లోనూ ఓడిపోలేదు.
ఇది కూడా చదవండి: IND vs England T20 Series: ఇంగ్లాండ్ తో భారత్ చివరి టీ20 ముంబయిలో.. ఇక్కడ ఏడేళ్లుగా టీమిండియా ఒక్క మ్యాచ్ కూడా ఓడిపోలేదు..