Delhi: నంద్యాల జిల్లాలోని బనకచర్ల మాడ్ స్టోరేజీ నిర్మాణానికి సంబంధించి ఆంధ్రప్రదేశ్ ప్రభుత్వం పంపిన ప్రతిపాదనలను కేంద్రం తిరస్కరించింది. ఈ ప్రాజెక్టుకు అనుమతులివ్వలేమని నిపుణుల కమిటీ స్పష్టంచేసింది. పర్యావరణ అనుమతుల విషయంలో ఇంకా అనేక అంశాలు తేలాల్సివుండటంతో ప్రాజెక్ట్‌కు క్లీన్ చిట్ ఇవ్వలేమని కేంద్ర నీటిశాఖ పేర్కొంది.
నిపుణుల కమిటీ అభిప్రాయం ప్రకారం, ఈ ప్రాజెక్టును CWC (Central Water Commission) పూర్తిగా పరిశీలించాల్సి ఉంది. అంతేకాక, గోదావరి-కృష్ణ జలాల పంపిణీపై గతంలో ఇచ్చిన GWDT (గోదావరి వాటర్ డిస్‌ప్యూట్స్ ట్రిబ్యునల్) అవార్డు ప్రకారం బనకచర్ల ప్రాజెక్ట్ ప్రతిపాదనను తిరిగి పరిశీలించాల్సిన అవసరం ఉందని పేర్కొంది.
ఇటీవల కాలంలో రాష్ట్ర ప్రభుత్వం ఈ ప్రాజెక్టును త్వరితగతిన పూర్తి చేయాలని ఉత్సాహం చూపించినప్పటికీ, కేంద్ర నిపుణుల కమిటీ ఈ దశలో ఆమోదం ఇవ్వడం సాధ్యపడదని తేల్చిచెప్పింది. పర్యావరణ, జలసాధన, వివాద పరిష్కార అంశాలన్నీ పూర్తి అవగాహనతో పరిశీలించాకే తదుపరి నిర్ణయం తీసుకుంటామని కేంద్ర జలశాఖ వెల్లడించింది.