Nitish Kumar: బీహార్ ముఖ్యమంత్రి నితీష్ కుమార్ రాష్ట్రంలోని నిరుద్యోగ గ్రాడ్యుయేట్లకు శుభవార్త చెప్పారు. ‘ముఖ్యమంత్రి నిశ్చయ్ స్వయం సహాయతా భట్యా యోజన’ పథకం కింద, గ్రాడ్యుయేట్ అయిన నిరుద్యోగ యువతకు నెలవారీగా రూ. 1,000 ఆర్థిక సహాయం అందిస్తామని ఆయన ప్రకటించారు. ఈ సహాయం గరిష్టంగా రెండు సంవత్సరాల పాటు ఇవ్వబడుతుంది. దరఖాస్తుదారుల వయస్సు 20 నుండి 25 సంవత్సరాల మధ్య ఉండాలి.
ఇది కూడా చదవండి: Pak-Saudi Deal: పాకిస్తాన్, సౌదీ అరేబియా మధ్య బిగ్ డీల్
దరఖాస్తు చేసుకునే సమయంలో వారు ఎటువంటి ప్రభుత్వ, ప్రైవేట్ ఉద్యోగంలో ఉండకూడదు లేదా ఉన్నత చదువులు చదువుతూ ఉండకూడదు. దరఖాస్తుదారు బీహార్ రాష్ట్రానికి చెందిన శాశ్వత నివాసి అయి ఉండాలి. గతంలో, ఈ పథకం కేవలం ఇంటర్మీడియట్ (12వ తరగతి) పూర్తి చేసిన నిరుద్యోగ యువతకు మాత్రమే వర్తించేది. ఇప్పుడు, నిరుద్యోగ సమస్యను పరిష్కరించే ఉద్దేశ్యంతో, ముఖ్యమంత్రి ఈ పథకాన్ని గ్రాడ్యుయేట్లకు కూడా విస్తరించారు. ఈ నిర్ణయం రాష్ట్రంలో యువతకు ఆర్థికంగా సహాయం చేయడంతో పాటు, ఉద్యోగ వేటలో వారికి తోడ్పాటు అందిస్తుంది. ఈ పథకం కోసం దరఖాస్తు ప్రక్రియ, అవసరమైన పత్రాలు మరియు ఇతర వివరాలను అధికారిక వెబ్‌సైట్‌లో త్వరలో అందుబాటులోకి తీసుకువస్తారు.