Bus Accident: గ్వాటెమాల రాజధాని గ్వాటెమాల నగర శివార్లలో ఒక ప్రయాణీకుల బస్సు వంతెనపై నుండి పడిపోయింది. ఈ ఘటనలో 51 మంది మరణించారు. అగ్నిమాపక దళ అధికారి ఎడ్విన్ విల్లాగ్రాన్ ప్రకారం, అనేక వాహనాలు ఒకదానికొకటి ఢీకొన్నాయి, ఆ తర్వాత బస్సు దాదాపు 35 మీటర్ల లోతున ఉన్న కాలువలో పడిపోయింది. బస్సులో సగం భాగం కాలువలో మునిగిపోయింది. దీని కారణంగా, ప్రజలు బస్సు నుండి దిగే అవకాశం లభించలేదు. బస్సు ప్రోగ్రెసో నుండి నగరానికి వస్తోంది.
Bus Accident: గ్వాటెమాల మధ్య అమెరికా దేశాలలో ఒకటి. 75 మంది ప్రయాణికులతో వెళ్తున్న బస్సు ఎల్ రాంచో గ్రామం నుండి శాన్ అగస్టిన్‌లోని అకాసాగ్వాజ్లాన్ ప్రాంతానికి వెళుతోంది. బస్సు బెలిజ్ వంతెన వద్దకు చేరుకుంటుండగా, ముందున్న కారును ఢీకొట్టి, నియంత్రణ కోల్పోయి 35 అడుగుల లోతైన లోయలోకి పడిపోయింది.
Bus Accident: ఈ ప్రమాదంలో బస్సులో ఉన్న 51 మంది మరణించారని అధికారికంగా ప్రకటించారు. రెస్క్యూ సిబ్బంది సహాయంతో 10 మందిని రక్షించారు. మిగిలిన వారి పరిస్థితి గురించి ఎటువంటి సమాచారం విడుదల కాలేదు. ఈ ఘటనపై స్థానిక పోలీసులు కేసు నమోదు చేసుకుని దర్యాప్తు చేస్తున్నారు. ఇక ఈ ఘటనపై తీవ్ర దిగ్భ్రాంతిని వ్యక్తం చేసిన గ్వాటెమాల అధ్యక్షుడు 3 రోజుల సెలవు ప్రకటించారు.