Anil Ravipudi: మెగాస్టార్ చిరంజీవి నటిస్తున్న 157వ చిత్రం శరవేగంగా తెరకెక్కుతోంది. దర్శకుడు అనిల్ రావిపూడి ఈ చిత్రాన్ని అత్యంత వేగంగా, అదే సమయంలో నాణ్యతలో రాజీ లేకుండా రూపొందిస్తున్నారు. ఇప్పటికే రెండు షెడ్యూల్స్ పూర్తయ్యాయి. ఇప్పటికే మూడో షెడ్యూల్ ప్రారంభం అయ్యింది. ఈ షెడ్యూల్‌లో కొన్ని రోజులు హైదరాబాద్‌లో షూటింగ్ జరిగిన తర్వాత చిత్ర యూనిట్ కేరళకు వెళ్లనుంది. జులై 22 నాటికి ఈ షెడ్యూల్‌ను పూర్తి చేయాలని అనిల్ లక్ష్యంగా పెట్టుకున్నారు.
Also Read: Rashmika Mandanna: కొత్త ఫొటోషూట్‌తో రచ్చ చేస్తున్న రష్మికా!
తనదైన కామెడీ శైలితో, చిరంజీవి యొక్క అద్భుతమైన కామెడీ టైమింగ్‌ను జోడించి ఈ చిత్రాన్ని మరో స్థాయిలో నిలపనున్నారు. ఈ సినిమాలో నయనతార హీరోయిన్‌గా నటిస్తుండగా, భీమ్స్ సిసిరోలియో సంగీతం అందిస్తున్నారు. సాహు గారపాటి, సుస్మిత కొణిదెల నిర్మాణంలో రూపొందుతున్న ఈ చిత్రం ప్రేక్షకులను అలరించేందుకు సిద్ధంగా ఉంది. అనిల్ రావిపూడి గత చిత్రాల కంటే ఈ సినిమా నాణ్యతలో మరింత ఉన్నతంగా ఉంటుందని సమాచారం.