Allu Arjun – Atlee: ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్‌లో రాబోతున్న చిత్రం గురించి సంచలన అప్‌డేట్స్ వెలుగులోకి వచ్చాయి. ఈ సినిమాలో అల్లు అర్జున్ నెగెటివ్ షేడ్స్‌తో కూడిన మాఫియా డాన్ పాత్రలో కనిపించనున్నారని తెలుస్తోంది. ఈ చిత్రం కోసం అట్లీ ప్రత్యేక గెస్ట్ రోల్స్ డిజైన్ చేస్తున్నారట. ‘జైలర్’లో రజనీకాంత్ సరసన శివరాజ్‌కుమార్, మోహన్‌లాల్ మెరిసినట్లు, ఈ సినిమాలోనూ రెండు పవర్ఫుల్ గెస్ట్ రోల్స్ ఉంటాయని సమాచారం. బాలీవుడ్ సూపర్‌స్టార్ షారుఖ్ ఖాన్ ఒక గెస్ట్ రోల్‌లో కనిపించే అవకాశం ఉందని టాక్. సన్ పిక్చర్స్ నిర్మిస్తున్న ఈ భారీ చిత్రం షూటింగ్ త్వరలో ప్రారంభం కానుంది. అట్లీ రూపొందించిన ఈ పవర్ఫుల్ స్క్రిప్ట్ అభిమానుల్లో అంచనాలను రెట్టింపు చేస్తోంది. ఈ సినిమా తర్వాత అల్లు అర్జున్, త్రివిక్రమ్‌తో మరో ప్రాజెక్ట్‌లో నటించనున్నారని సమాచారం. ఈ సినిమా అల్లు అర్జున్ కెరీర్‌లో మరో మైలురాయిగా నిలవనుందని అభిమానులు ఆశిస్తున్నారు.
