Upasana: మెగాస్టార్ చిరంజీవి కోడలు, రామ్ చరణ్ సతీమణి ఉపాసన కొణిదెలకు తెలంగాణ ప్రభుత్వం కీలక బాధ్యతలు అప్పగించింది. తెలంగాణ స్పోర్ట్స్ హబ్ బోర్డ్ ఆఫ్ గవర్నెన్స్‌కు ఆమెను కో-చైర్మన్‌గా నియమిస్తూ ప్రభుత్వం ఉత్తర్వులు జారీ చేసింది. ప్రముఖ పారిశ్రామికవేత్త సంజయ్ గోయెంకా ఈ బోర్డుకు ఛైర్మన్‌గా వ్యవహరిస్తారు.
ఉపాసన కృతజ్ఞతలు :
తనకు ఈ అవకాశం కల్పించినందుకు సీఎం రేవంత్ రెడ్డికి, తెలంగాణ ప్రభుత్వానికి ఉపాసన ధన్యవాదాలు తెలిపారు. ఎక్స్ (ట్విట్టర్) వేదికగా ఆమె స్పందిస్తూ, “తెలంగాణను ప్రపంచ స్థాయి క్రీడా శక్తిగా మార్చడానికి సంజయ్ గోయెంకాతో కలిసి పనిచేయడం గౌరవంగా భావిస్తున్నాను. ప్రభుత్వ-ప్రైవేట్ భాగస్వామ్యాల ద్వారా రాష్ట్రంలో క్రీడా రంగాన్ని ప్రోత్సహించడానికి ఇది ఒక గొప్ప అడుగు” అని పేర్కొన్నారు.
Also Read: Kiran Abbavaram: కిరణ్ అబ్బవరం-రహస్య గోరఖ్ బాబు నామకరణం.. పేరు ఏంటంటే.?
తెలంగాణ ప్రభుత్వం ఏర్పాటు చేసిన ఈ బోర్డులో వివిధ రంగాలకు చెందిన ప్రముఖులకు స్థానం కల్పించారు. బోర్డు సభ్యులుగా సన్ రైజర్స్ హైదరాబాద్ యజమాని కావ్య మారన్, క్రికెటర్ కపిల్ దేవ్, బ్యాడ్మింటన్ కోచ్ పుల్లెల గోపిచంద్, ఫుట్‌బాల్ ఆటగాడు భూటియా, షూటర్ అభినవ్ బింద్రా వంటివారు ఉన్నారు. ఈ నియామకంపై మెగా కుటుంబ అభిమానులు హర్షం వ్యక్తం చేస్తున్నారు.
రాష్ట్రంలో క్రీడలను ప్రోత్సహించాలనే లక్ష్యంతో తెలంగాణ ప్రభుత్వం కొత్త క్రీడా విధానాన్ని తీసుకొచ్చింది. క్రీడా రంగంలో రాజకీయ జోక్యం తగ్గించి, ప్రైవేటు-పబ్లిక్ భాగస్వామ్యంతో మెరుగైన క్రీడాకారులను తయారు చేయడమే ఈ విధానం ముఖ్య ఉద్దేశమని సీఎం రేవంత్ రెడ్డి తెలిపారు. ఒలింపిక్స్‌లో పతకాలు సాధించేలా క్రీడాకారులను తీర్చిదిద్దడమే లక్ష్యంగా ప్రభుత్వం పనిచేస్తుందని ఆయన స్పష్టం చేశారు.
Honoured to be the Co Chairman of the Sports Hub of Telangana alongside @sanjivgoenka Ji to shape Telangana into a global sports force.
Grateful to Shri @revanth_anumula Garu and the Government of Telangana for this bold vision.
This is a powerful step towards building… pic.twitter.com/Xz3k1LWFnw
— Upasana Konidela (@upasanakonidela) August 4, 2025