KTR: తెలంగాణ రాజకీయాల్లో మరోసారి ‘కమీషన్ సర్కార్’ ఆరోపణలు తీవ్ర చర్చనీయాంశంగా మారాయి. మంత్రులు కమిషన్లు తీసుకుంటున్నారని మంత్రి కొండా సురేఖ చేసిన వ్యాఖ్యలు కొత్త కలకలం రేపుతున్నాయి. ముఖ్యంగా ఆమె వ్యాఖ్యలపై బీఆర్ఎస్ వర్కింగ్ ప్రెసిడెంట్ కేటీఆర్ స్పందించడంతో రాజకీయ వేడి మరింత పెరిగింది.
“నిజం చెప్పినందుకు అభినందనలు” – కేటీఆర్
శుక్రవారం ఎక్స్ (Twitter) వేదికగా కేటీఆర్ ఆసక్తికర వ్యాఖ్యలు చేశారు.
“కనీసం ఇప్పటికైనా కొన్ని నిజాలు బయట పెట్టినందుకు మంత్రి కొండా సురేఖకు హృదయపూర్వక అభినందనలు. తెలంగాణలో ఇప్పుడు కాంగ్రెస్ కమీషన్ సర్కార్ నడుస్తోంది. ఇది ఓపెన్ సీక్రెట్‌!” అని కేటీఆర్ ట్వీట్ చేశారు.
అంతేగాక, ఫైల్స్‌పై సంతకాలు పెట్టేందుకు మంత్రులు 30 శాతం కమీషన్ తీసుకుంటున్నారన్న అంశాన్ని హైలైట్ చేస్తూ, సచివాలయంలో కాంట్రాక్టర్ల ధర్నాను గుర్తు చేశారు. “ఇలాంటి మంత్రుల పేర్లను బయటపెట్టండి. ప్రజల ముందు బహిర్గతం చేయండి,” అంటూ కొండా సురేఖను ట్యాగ్ చేస్తూ ట్వీట్ చేశారు.
అంతేకాకుండా, సీఎం రేవంత్ రెడ్డి, రాహుల్ గాంధీ వంటి నాయకులను కూడా ఉద్దేశించి, ఈ ఆరోపణలపై దర్యాప్తుకు ఆదేశించగలరా? అని ప్రశ్నించారు.
కొండా సురేఖ క్లారిటీ: వ్యాఖ్యలు వక్రీకరణ
ఇక మంత్రి కొండా సురేఖ మాత్రం తన వ్యాఖ్యలపై వివరణ ఇచ్చారు. తాను గతంలో పనిచేసిన బీఆర్ఎస్ మంత్రులపై ఉద్దేశించి మాట్లాడిన మాటలను తప్పుదోవ పట్టిస్తున్నారని అన్నారు.
“తప్పుడు ప్రచారం చేయడం సమంజసం కాదు. గత ప్రభుత్వంలోనే కొంతమంది మంత్రులు డబ్బులు తీసుకునేవారని అన్నాను. ఇప్పుడు అన్నట్లు వక్రీకరించడం తగదు” అని మంత్రి స్పష్టం చేశారు.
పోలిటికల్ వాడి వేడి పెరుగుతోంది
ఈ వ్యవహారం మరింత రాజకీయ కలకలాన్ని తెచ్చే అవకాశముంది. మంత్రి స్థాయిలో వచ్చిన కమీషన్ ఆరోపణలు, పార్టీ మద్దతుతో వచ్చిన వివరణలు, వాటిపై ప్రత్యర్థి నేత చేసిన ఘాటైన స్పందనలు — ఇవన్నీ కలిసి తెలంగాణలో అధికార, ప్రతిపక్షాల మధ్య మాటల యుద్ధాన్ని తీవ్రతరం చేస్తున్నాయి.
Many congratulations to Minister Konda Surekha garu for finally speaking some truths!
Congress in Telangana runs a “commission sarkaar”, and it’s unfortunate this has become an open secret in Telangana
In this 30% commission government, ministers, according to their own… https://t.co/3dMd2yDfb5
— KTR (@KTRBRS) May 16, 2025