Nani : దర్శకధీరుడు ఎస్.ఎస్. రాజమౌళి, సూపర్‌స్టార్ మహేష్ బాబు కాంబినేషన్‌లో రూపొందుతున్న భారీ చిత్రం పాన్ ఇండియా సినీ ప్రేమికుల్లో భారీ అంచనాలు రేకెత్తిస్తోంది. హాలీవుడ్ స్థాయిలో నిర్మితమవుతున్న ఈ అడ్వెంచర్ థ్రిల్లర్‌లో బాలీవుడ్ స్టార్ ప్రియాంక చోప్రా హీరోయిన్‌గా నటిస్తుండగా, ఆస్కార్ విజేత ఎం.ఎం. కీరవాణి సంగీతం అందిస్తున్నారు. విజయేంద్రప్రసాద్ కథ, దేవా కట్టా సంభాషణలతో ఈ చిత్రం ప్రపంచ స్థాయి సినిమాగా రూపొందుతోంది.
Also Read: AA22xA6: AA22 స్టార్ట్.. ముంబైలో సైలెంట్ పూజా కార్యక్రమం!
Nani : తాజాగా ‘హిట్-3’ ప్రీ-రిలీజ్ ఈవెంట్‌లో హీరో నాని మాట్లాడుతూ, “రాజమౌళి-మహేష్ సినిమా 2026లో విడుదలవుతుంది. ఈ సినిమాను ప్రపంచమంతా చూసి తీరాలి,” అని సంచలన వ్యాఖ్యలు చేశారు. విజయేంద్రప్రసాద్ గతంలో ఓ ఇంటర్వ్యూలో, దక్షిణాఫ్రికా రచయిత విల్బర్ స్మిత్ నవలల స్ఫూర్తితో ఈ కథ రూపొందించామని వెల్లడించారు. దీంతో ఈ చిత్రం హాలీవుడ్‌తో పోటీపడే గ్రాండ్ విజువల్స్, ఉత్కంఠభరిత కథాంశంతో రానుందని అంచనాలు నెలకొన్నాయి.
ప్రపంచవ్యాప్తంగా సినీ అభిమానులు ఈ సినిమా కోసం ఆసక్తిగా ఎదురుచూస్తున్నారు. రాజమౌళి మార్క్ సినిమాటిక్ అనుభవం మరోసారి థియేటర్లలో సందడి చేయనుంది!
గుంటూరు కారం మూవీ లో సాంగ్ ఇక్కడ చూడండి :