Vishwambhara: మెగాస్టార్ చిరంజీవి నటిస్తున్న ‘విశ్వంభర’ సినిమా నుంచి వస్తున్న అప్‌డేట్స్ మెగా ఫ్యాన్స్‌లో జోష్ నింపుతున్నాయి. ఇటీవల విడుదలైన పోస్టర్స్‌లో చిరు వింటేజ్ లుక్ అభిమానులను ఫుల్ ఖుషి చేసింది. ‘వింటేజ్ చిరు ఈజ్ బ్యాక్’ అంటూ కామెంట్స్ వినిపిస్తున్నాయి. ఈ సంతోషాన్ని డబుల్ చేసేందుకు యూనిట్ మరో గుడ్ న్యూస్ అందించింది. ‘విశ్వంభర’ ఫస్ట్ లిరికల్ సాంగ్‌ను ఈ నెల 12న హనుమాన్ జయంతి సందర్భంగా రిలీజ్ చేయనున్నారు. కృష్ణా జిల్లా నందిగామలోని పరిటాల ఆంజనేయ స్వామి గుడి వద్ద ఈ సాంగ్ లాంచ్ ఇరగదీయనుంది. ఆస్కార్ విన్నర్ ఎం.ఎం. కీరవాణి సంగీతం అందిస్తున్న ఈ చిత్రం, చిరు నుంచి లాంగ్ గ్యాప్ తర్వాత వస్తుండటంతో ఫ్యాన్స్‌లో భారీ అంచనాలు నెలకొన్నాయి. సోషియో-ఫాంటసీ నేపథ్యంలో రూపొందుతున్న ఈ సినిమా ‘జగదేక వీరుడు అతిలోక సుందరి’ తరహాలో ఉంటుందని అభిమానులు భావిస్తున్నారు. గ్రాఫిక్స్ వర్క్ ఎక్కువగా ఉండటంతో క్వాలిటీలో రాజీ పడకుండా జాగ్రత్తలు తీసుకుంటున్నారు. అందుకే రిలీజ్ డేట్‌పై ఇంకా క్లారిటీ రాలేదు. మొత్తంగా, ‘విశ్వంభర’తో మెగాస్టార్ మరోసారి బాక్సాఫీస్ షేక్ చేయడం ఖాయమని ఫ్యాన్స్ ధీమాగా ఉన్నారు.
