Vijaywada: విజయవాడ ఇంద్రకీలాద్రిపై అత్యంత వైభవంగా జరగనున్న శ్రీ కనకదుర్గమ్మ దసరా శరన్నవరాత్రి మహోత్సవాలకు రాష్ట్ర ఉప ముఖ్యమంత్రి పవన్ కళ్యాణ్‌కు ఆహ్వానం అందింది.
శుక్రవారం శాసనసభలో దుర్గగుడి ఈవో వి.కె. శీనా నాయక్ పవన్ కళ్యాణ్‌ను కలిసి ప్రత్యేక ఆహ్వాన పత్రికను అందజేశారు. ఈ సందర్భంగా అమ్మవారి ప్రసాదాన్ని సమర్పించగా, ఆలయ అర్చకులు వేద మంత్రోచ్ఛారణల మధ్య పవన్ కళ్యాణ్‌కు ఆశీర్వచనాలు పలికారు.
అసెంబ్లీ సమావేశాల విరామ సమయంలో జరిగిన ఈ భేటీ సాంప్రదాయ రీతిలో సాగింది. ఉప ముఖ్యమంత్రి హోదాలో పవన్ కళ్యాణ్‌ను ఆహ్వానించడం ఉత్సవాల ప్రాధాన్యాన్ని మరింతగా ప్రతిబింబిస్తోంది.
ఈ నెల 22వ తేదీ నుంచి శరన్నవరాత్రి ఉత్సవాలు ప్రారంభం కానున్న విషయం తెలిసిందే. దుర్గగుడి అధికారులు, ప్రభుత్వ ప్రతినిధులు కలిసి ఏర్పాట్లను వేగవంతం చేస్తున్నారు. పవన్ కళ్యాణ్‌కు ఆహ్వానం అందజేయడంతో ఉత్సవాల సన్నాహాలు అధికారికంగా ఊపందుకున్నాయి.