Vemulawada: దక్షిణ కాశీగా ప్రసిద్ధి చెందిన వేములవాడలోని రాజన్న ఆలయం ఈ నెల 7న ఏర్పడనున్న చంద్ర గ్రహణం సందర్భంగా మూసివేయబడుతుంది. కోరిన కోర్కెలు తీర్చే రాజన్న స్వామిని దర్శించుకోవడానికి నిత్యం పెద్ద సంఖ్యలో భక్తులు వస్తుంటారు. అయితే, గ్రహణ సమయాల్లో ఆలయాలను మూసివేయడం సంప్రదాయం.
ఎప్పుడు మూసివేస్తారు?
ఆలయ అర్చకులు తెలిపిన వివరాల ప్రకారం, ఈనెల 7న ఆదివారం ఉదయం 11:25 గంటల నుండి 8వ తేది సోమవారం తెల్లవారుజామున 3:45 గంటల వరకు ఆలయం మూసి ఉంటుంది. ఈ సమయంలో భక్తులకు దర్శనాలు ఉండవు.
తిరిగి ఎప్పుడు తెరుస్తారు?
గ్రహణం ముగిసిన తర్వాత, 8వ తేదీ ఉదయం 4:00 గంటలకు ఆలయాన్ని శుద్ధి చేసి, స్వామివారికి ప్రత్యేక పూజలు నిర్వహిస్తారు. ఆ తర్వాతే భక్తులకు దర్శనాలకు అనుమతిస్తారు.
ఆర్జిత సేవలు రద్దు
గ్రహణం కారణంగా ఈ రెండు రోజుల పాటు భక్తులు చేయించే ఆర్జిత సేవలను ఆలయ అధికారులు రద్దు చేశారు. కాబట్టి, భక్తులు ఈ విషయాన్ని గమనించి, తమ ప్రయాణాలను ప్లాన్ చేసుకోవాలని కోరారు.