Uttam Kumar: తెలంగాణలో ధాన్యం కొనుగోళ్ల అంశం మరోసారి రాజకీయ దుమారం రేపుతోంది. ఈ నేపథ్యంలో మంత్రి ఉత్తమ్ కుమార్ రెడ్డి, మాజీ మంత్రి హరీష్ రావుకు గట్టి కౌంటర్ ఇచ్చారు. ధాన్యం కొనుగోళ్లపై చేస్తున్న ఆరోపణలు అవాస్తవమని, తాము ఈ ఏడాది రికార్డు స్థాయిలో ధాన్యం కొనుగోలు చేశామని ఉత్తమ్ వెల్లడించారు.
“ఈ ఏడాది 43.10 లక్షల మెట్రిక్ టన్నుల ధాన్యాన్ని రాష్ట్ర ప్రభుత్వం కొనుగోలు చేసింది. ఇది రాష్ట్ర చరిత్రలో అత్యధికంగా ఉంది,” అని మంత్రి ఉత్తమ్ తెలిపారు. ప్రభుత్వం తీసుకున్న చర్యల వల్లే రైతులు సంతోషంగా ఉన్నారని ఆయన పేర్కొన్నారు.
హరీష్ రావు చేస్తున్న విమర్శలను తప్పుబట్టిన ఉత్తమ్, “ప్రతి విషయంలో తప్పుడు ఆరోపణలు చేయడం సరైంది కాదు. ఖచ్చితమైన లెక్కలతో మాట్లాడాలి,” అని హెచ్చరించారు. గతంలో తెలంగాణ ప్రభుత్వం ఎలా పనిచేసిందో, ఇప్పుడు ఎలా పని చేస్తున్నామో ప్రజలు చూస్తున్నారన్నారు.ఈ వ్యాఖ్యలతో ధాన్యం కొనుగోళ్ల అంశం మరోసారి ప్రధాన రాజకీయ చర్చగా మారింది.