Donald Trump: అమెరికా మాజీ అధ్యక్షుడు డోనాల్డ్ ట్రంప్ మరోసారి భారత్‌కు షాక్ ఇచ్చారు. భారత్ నుంచి దిగుమతి అయ్యే వస్తువులపై ఇప్పటికే ఉన్న 25 శాతం సుంకానికి అదనంగా మరో 25 శాతం పెంచుతూ మొత్తం 50 శాతం టారిఫ్ విధిస్తున్నట్టు ప్రకటించారు.
ఈ నిర్ణయం వెనుక ప్రధానంగా రెండు కారణాలు ఉన్నాయని తెలుస్తోంది. మొదటిది, భారత్ అమెరికాతో వాణిజ్యంలో సమానత్వం పాటించట్లేదని ట్రంప్ ఆరోపించారు. భారత్ భారీగా అమెరికా వస్తువులు కొనుగోలు చేయకపోగా, అమెరికా మాత్రం భారత వస్తువులను ఎక్కువగా దిగుమతి చేసుకుంటోందని ఆయన చెప్పారు.
రెండవది, రష్యా నుంచి భారత్ చమురు కొనుగోలు చేస్తోందని, దాని వల్ల ఉక్రెయిన్‌పై కొనసాగుతున్న యుద్ధానికి పరోక్షంగా సాయం చేస్తోందని ట్రంప్ అభిప్రాయపడ్డారు. ఇది అమెరికా విదేశాంగ విధానానికి వ్యతిరేకంగా ఉందని ఆయన అన్నారు.
ఇది కూడా చదవండి: Ghaati Trailer: అనుష్క ఈజ్ బ్యాక్.. ఘాటి ట్రైలర్ మామూలుగా లేదుగా..
ఈ నేపథ్యంలోనే ట్రంప్ బుధవారం నాడు ఒక ఎగ్జిక్యూటివ్ ఆర్డర్‌పై సంతకం చేశారు. ఇందులో భారతీయ దిగుమతులపై అదనపు వాణిజ్య సుంకం విధించడం అవసరమని పేర్కొన్నారు. “రష్యా చమురును కొనుగోలు చేస్తోన్న దేశాలపై నిర్ణయాత్మక చర్యలు తీసుకోవాల్సిన అవసరం ఉంది” అని ఆ ఆర్డర్‌లో వివరించారు.
ట్రంప్ వ్యాఖ్యలు – భారత్‌కు హెచ్చరికలా?
ఈ ప్రకటనతో పాటు ట్రంప్ భారతదేశానికి ఓ రకమైన హెచ్చరికను కూడా ఇచ్చారు. రాబోయే 24 గంటల్లో మరిన్ని ఆంక్షలు విధించవచ్చని ఆయన సూచించారు. భారత్ అమెరికాకు మంచి వాణిజ్య భాగస్వామిగా వ్యవహరించాల్సిన అవసరం ఉందని పేర్కొన్నారు.
పరిణామాలు ఏంటి?
ట్రంప్ తీసుకున్న తాజా నిర్ణయం భారత్-అమెరికా వాణిజ్య సంబంధాలపై ప్రభావం చూపే అవకాశం ఉంది. ఇప్పటికే ప్రపంచవ్యాప్తంగా చమురు ధరలు పెరుగుతున్న నేపథ్యంలో, భారత్‌పై ఇలా సుంకాలు పెంచడం ఆర్థికంగా భారంగా మారే అవకాశం ఉంది. అలాగే, రష్యా-ఉక్రెయిన్ యుద్ధం విషయంలో భారత్ తన వైఖరిని తిరిగి సమీక్షించాల్సిన పరిస్థితి ఏర్పడే అవకాశముంది.