UPI Payments: మ‌రింత వేగంగా యూపీఐ సేవ‌లు.. కేవ‌లం 15 సెక‌న్ల‌లోనే లావాదేవీలు పూర్తి

UPI Payments: ఇప్పటి తరం స్మార్ట్‌ఫోన్ వినియోగదారుల్లో ఎక్కువశాతం మంది యూపీఐ ఆధారిత చెల్లింపులకే మొగ్గుచూపుతున్నారు. కూరగాయల కొనుగోలు నుంచి పాన్ షాపులో టీ తాగడం వరకూ.. పెద్ద షాపింగ్‌ల నుంచి ఆన్‌లైన్ బిల్లుల చెల్లింపులు వరకు ప్రతి చిన్న లావాదేవీకి గూగుల్ పే, ఫోన్ పే, పేటీఎం వంటి యాప్‌లను ఉపయోగిస్తున్నారు. అయితే, కొన్ని సందర్భాల్లో యూపీఐ ట్రాన్సాక్షన్ పూర్తయ్యేందుకు ఆలస్యం కావడం వల్ల వినియోగదారులు ఇబ్బందులు పడుతున్నారు. ఇకపై అలాంటి సమస్యలు తలెత్తకుండా ఉండేందుకు ఎన్‌పీసీఐ (NPCI) కీలక నిర్ణయం తీసుకుంది.

ట్రాన్సాక్షన్ టైమ్‌ను సగానికి తగ్గించిన ఎన్‌పీసీఐ

జూన్ 16, 2025 నుంచి దేశవ్యాప్తంగా యూపీఐ లావాదేవీలకు సంబంధించి కొత్త మార్గదర్శకాలు అమలులోకి వచ్చాయి. వీటితో యూపీఐ పేమెంట్లకు పట్టే సమయం సగం వరకు తగ్గనుంది. ఇప్పటి వరకు ఒక ట్రాన్సాక్షన్‌కు సగటుగా 30 సెకన్లు పట్టేవి. ఇకపై అదే పని కేవలం 15 సెకన్లలోనే పూర్తవుతుంది. ఇది వినియోగదారుల అనుభవాన్ని మెరుగుపరచడంలో కీలకమైన అడుగు.

10 సెకన్లలో రివర్సల్ స్టేటస్

చెల్లింపు చేసిన తర్వాత రివర్సల్ స్టేటస్ కోసం ఎదురుచూడాల్సిన అవసరం ఇక లేదు. ట్రాన్సాక్షన్ ఫెయిల్ అయినా, డబ్బు తిరిగి జమయ్యిందా అన్న విషయం 30 సెకన్లు కాదు, 10 సెకన్లలోనే స్పష్టత వస్తుంది. అదేవిధంగా అడ్రస్ వాలిడేషన్, స్టేటస్ వెరిఫికేషన్‌లకు కూడా ఇప్పుడు తక్కువ సమయం తీసుకుంటుంది.

బ్యాంకుల మధ్య సమన్వయం వేగవంతం

ఉదాహరణకు ఒక ఎస్‌బీఐ ఖాతాదారు, ఐసీఐసీఐ ఖాతాదారుడికి పేమెంట్ చేస్తున్నారని అనుకుందాం. ట్రాన్సాక్షన్ పూర్తయ్యిందా లేదా అనే సమాచారం ఇప్పటి వరకు 30 సెకన్ల సమయాన్ని తీసుకునేది. ఇకపై అది 15 సెకన్లలోనే బ్యాంకులకు అందించబడుతుంది. ఈ మార్పులతో పేమెంట్ సిస్టమ్ మరింత సమర్థవంతంగా మారనుంది.

పేమెంట్ యాప్‌లకు కొత్త లక్ష్యాలు

ఫోన్ పే, గూగుల్ పే, పేటీఎం వంటి ప్రముఖ యూపీఐ యాప్‌లకు ఎన్‌పీసీఐ సూచనలు జారీ చేసింది. జూన్ 16 నుంచి వేగవంతమైన సేవల కోసం అవసరమైన సాంకేతిక చర్యలు చేపట్టాలని ఆదేశించింది. ఈ మార్పులతో వినియోగదారులు త్వరితమైన సేవలు పొందగలుగుతారు.

కీలక మార్పులు – సవరణల పట్టిక:

• వేగవంతమైన చెల్లింపులు

• తక్కువ సమయం వేచి ఉండే అవసరం

• క్లియర్ స్టేటస్ అప్‌డేట్స్

• తక్కువ లోడ్‌తో బ్యాంక్ సిస్టమ్స్

తెలుగు సినిమా ప్రస్థానం ఈ లింక్ ద్వారా తెలుసుకోవచ్చు