TTD: తిరుమల వేంకటేశ్వరస్వామి భక్తులకు టీటీడీ (తిరుమల తిరుపతి దేవస్థానం) గుడ్ న్యూస్ చెప్పింది. మార్చి 2024 నెలకు సంబంధించిన శ్రీవారి సేవల టికెట్లను విడుదల చేసేందుకు శుభవార్త తెలిపింది.
1. ఆర్జిత సేవలు:
సుప్రభాతం, తోమల, అర్చన, అష్టదళ పాదపద్మారాధన – మార్చి నెల కోటాను 18న ఉదయం 10 గంటలకు ఆన్‌లైన్‌లో విడుదల చేస్తారు. సేవా టికెట్ల రిజిస్ట్రేషన్ 18 నుంచి 20 వరకు ఉంటుంది.
లక్కీ డీప్: టికెట్లు పొందిన భక్తులకు 20న లక్కీ డీప్‌లో టికెట్లు మంజూరవుతాయి.
2. ప్రత్యేక సేవలు:
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లు 21న ఉదయం 10 గంటలకు విడుదల చేస్తారు.
3. వర్చువల్ సేవలు & దర్శన స్లాట్లు:
మార్చి నెల కోటా 21న మధ్యాహ్నం 3 గంటలకు ఆన్‌లైన్‌లో విడుదల అవుతుంది.
4. అంగప్రదక్షిణం:
మార్చి నెల కోటా 23న ఉదయం 10 గంటలకు విడుదల అవుతుంది.
5. శ్రీవాణి ట్రస్టు టికెట్లు:
23న ఉదయం 11 గంటలకు ఆన్‌లైన్‌లో విడుదల అవుతుంది.
6. ఉచిత ప్రత్యేక దర్శనం:
వయోవృద్ధులు, దివ్యాంగులు, దీర్ఘకాలిక వ్యాధులున్న వారికి 23న మధ్యాహ్నం 3 గంటలకు టికెట్లు అందుబాటులో ఉంటాయి.
7. ప్రత్యేక ప్రవేశ దర్శనం:
మార్చి నెల కోటాను 24న ఉదయం 10 గంటలకు ఆన్‌లైన్‌లో విడుదల చేస్తారు.
8. గదుల కోటా:
తిరుమల, తిరుపతిలో గదుల కోటాను 24న మధ్యాహ్నం 3 గంటలకు విడుదల చేస్తారు.
భక్తులు ttdevasthanams.ap.gov.in వెబ్‌సైట్ ద్వారా ఈ టికెట్లు బుక్ చేసుకోవాలని టీటీడీ సూచించింది.