Air India party: అహ్మదాబాద్ విమాన ప్రమాదం దేశాన్ని దిగ్భ్రాంతికి గురిచేసి, వందలాది కుటుంబాలు శోకసంద్రంలో మునిగిపోయిన సమయంలో, ఎయిరిండియా అనుబంధ సంస్థ కార్యాలయంలో డీజే పార్టీ నిర్వహించడం తీవ్ర వివాదానికి దారితీసింది. బాధితుల మృతదేహాల కోసం కుటుంబాలు ఎదురుచూస్తుండగా, ఉద్యోగులు పార్టీ చేసుకోవడంపై నెటిజన్లు తీవ్ర ఆగ్రహం వ్యక్తం చేయడంతో, ఎయిరిండియా యాజమాన్యం నలుగురు సీనియర్ ఉద్యోగులపై వేటు వేసింది.
జూన్ 12న అహ్మదాబాద్‌లో జరిగిన ఎయిరిండియా విమాన ప్రమాదం దేశ చరిత్రలో ఎన్నడూ లేని విధంగా 270 మందికి పైగా ప్రాణాలను బలిగొంది. ఈ దుర్ఘటన జరిగి వారం కూడా కాకముందే, జూన్ 20న గుర్‌గావ్‌లోని ఎయిరిండియా SATS కార్యాలయంలో డీజే పార్టీని నిర్వహించారు. ఈ పార్టీకి ఎయిర్ ఇండియా SATS SVP సంప్రీత్ కోటియన్, COO అబ్రహం జకారియా వంటి సీనియర్ అధికారులు కూడా హాజరయ్యారని సమాచారం. ఈ పార్టీకి సంబంధించిన వీడియోలు సామాజిక మాధ్యమాల్లో వైరల్‌గా మారడంతో ప్రజల నుంచి తీవ్ర విమర్శలు వెల్లువెత్తాయి.
Also Read: Iran vs US: డొనాల్డ్‌ ట్రంప్‌కు వార్నింగ్‌ ఇచ్చిన ఇరాన్‌ లీడర్
Air India party: ప్రమాద బాధితుల కుటుంబాలు తమ ప్రియమైనవారి మృతదేహాల కోసం ఎదురుచూస్తుంటే, ఆపత్కాలంలో ఇలాంటి నిర్లక్ష్యపూరితమైన పార్టీ చేసుకోవడంపై నెటిజన్లు తీవ్రంగా మండిపడ్డారు. బాధితుల పట్ల కనీస కనికరం లేకుండా వ్యవహరించారని తీవ్రంగా దుయ్యబట్టారు. ఈ పరిణామాల నేపథ్యంలో, ఎయిరిండియా యాజమాన్యం తక్షణమే స్పందించి, బాధ్యులైన నలుగురు సీనియర్ ఎగ్జిక్యూటివ్ ఆఫీసర్లను తొలగించింది.
అహ్మదాబాద్ విమాన ప్రమాదం దేశీయ విమానయాన రంగంలో ఒక చీకటి అధ్యాయంగా నిలిచిపోయింది. 270 మందికి పైగా మరణించగా, ఇప్పటికీ చాలా మృతదేహాలను గుర్తించాల్సి ఉంది. ఇప్పటివరకు 200 మృతదేహాలను మాత్రమే వారి కుటుంబ సభ్యులకు అప్పగించగలిగారు. మిగిలిన మృతదేహాల గుర్తింపు కోసం అధికారులు డీఎన్‌ఏ పరీక్షలతో రాత్రింబవళ్లు శ్రమిస్తున్నారు. ఈ విషాద సమయంలో, ఎయిరిండియా అధికారుల నిర్లక్ష్యపు పార్టీ సంఘటన మరింత ఆగ్రహాన్ని రేకెత్తించింది.
ఎయిర్ ఇండియా ఆఫీస్‌లో పార్టీ చేసుకున్న ఉద్యోగులు.. నలుగురు సీనియర్ అధికారులను డిస్మిస్ చేసిన యాజమాన్యం
గుర్‌గావ్ ఎయిర్ ఇండియా ఆఫీస్‌లో జూన్ 20న డీజే పార్టీని జరుపుకున్న సిబ్బంది
ఆఫీస్‌లో డీజే పార్టీని నిర్వహించిన ఎయిర్ ఇండియా SATS SVP సంప్రీత్ కోటియన్, COO అబ్రహం జకారియా
వారం… https://t.co/udQwoLWVQ3 pic.twitter.com/98DPfgb0Db
— Telugu Scribe (@TeluguScribe) June 28, 2025