Sridhar Babu: తెలంగాణ సచివాలయంలో ఐటీశాఖ మంత్రి శ్రీధర్ బాబు పేషీ పేరుతో రూ.1.77 కోట్ల మోసం జరిగిందంటూ సోషల్ మీడియాలో వస్తున్న వార్తలపై స్పష్టత వచ్చింది.
మంత్రికి సంబంధించిన ఓఎస్డీ ప్రకటన ప్రకారం, “సోషల్ మీడియాలో ప్రచారంలో ఉన్న ‘ఐటీ ప్రాజెక్ట్ ఇచ్చుతామంటూ రూ.1.77 కోట్లు తీసుకున్నారు’ అనే వార్తలు నిజం కాదు. ఈ ఘటన సుమారు నాలుగు నెలల క్రితం జరిగింది. ఇప్పటికే జూన్ 3న సైఫాబాద్ పోలీస్ స్టేషన్‌లో ఎఫ్ఐఆర్ నమోదు అయింది. మంత్రి ఆదేశాల మేరకు నేనే ఫిర్యాదు చేశాను. దీనికి బాధ్యులను గుర్తించి కఠినంగా శిక్షించమని కోరాము” అని పేర్కొన్నారు.
సైఫాబాద్ పోలీసులు ఆరుగురు నిందితులను గుర్తించి అరెస్ట్ చేసి కేసు నమోదు చేసి, దర్యాప్తును కొనసాగిస్తున్నారు. కేసును ఇటీవల సైఫాబాద్ పోలీసులు CCS (హైదరాబాద్ సెంట్రల్ కేస్ స్టేషన్)కి బదిలీ చేశారు.
మంత్రికి సంబంధించిన ఓఎస్డీ స్పష్టం చేశారు: “ఈ ఘటనలో మా పేషీకి గానీ, మా సిబ్బందికి గానీ ఎలాంటి సంబంధం లేదు. పాత కేసు మాత్రమే మళ్లీ వార్తల్లో వస్తోంది” అని అన్నారు.