Sreeleela: యంగ్ హీరోయిన్ శ్రీలీల బాలీవుడ్‌లో సంచలనం సృష్టించడానికి సిద్ధమవుతోంది. కరణ్ జోహార్ ప్రాజెక్ట్‌లో ఆమెకు గోల్డెన్ ఛాన్స్ దక్కింది. విక్రాంత్ మాస్సేతో కలిసి ఆమె నటించబోతోందని సమాచారం. ఈ అవకాశం ఆమె కెరీర్‌ను ఎలా మలుపు తిప్పనుంది? పూర్తి వివరాలు చూద్దాం.
Also Read: Kriti Shetty: బాలీవుడ్ డెబ్యూతో కృతి శెట్టి కెరీర్‌కు కొత్త అవకాశం!
సహజమైన నటన, ఆకట్టుకునే డ్యాన్స్‌తో టాలీవుడ్‌లో గుర్తింపు పొందిన శ్రీలీల ఇప్పుడు బాలీవుడ్‌లో అడుగుపెడుతోంది. కార్తిక్ ఆర్యన్ సరసన ఒక చిత్రంలో ఆమె ఇప్పటికే సైన్ చేసినట్లు తెలుస్తోంది. అయితే తాజాగా, కరణ్ జోహార్ నిర్మిస్తున్న దోస్తానా 2లో ఆమె హీరోయిన్‌గా ఎంపికైనట్లు వార్తలు వినిపిస్తున్నాయి. ఈ చిత్రంలో నేషనల్ అవార్డు విజేత విక్రాంత్ మాస్సే హీరోగా నటిస్తున్నారు. గతంలో ఈ పాత్ర కోసం జాన్వీ కపూర్‌ను ఎంపిక చేసినప్పటికీ, కొన్ని కారణాలతో ఆమె తప్పుకోవడంతో ఈ అవకాశం శ్రీలీలకు దక్కిందని సమాచారం. యువతను ఆకర్షించిన దోస్తానా చిత్రానికి సీక్వెల్‌గా రూపొందుతున్న ఈ సినిమాపై భారీ అంచనాలు నెలకొన్నాయి. ప్రస్తుతం కరణ్ జోహార్ ఈ ప్రాజెక్ట్‌పై తుది చర్చలు జరుపుతున్నారు. ఈ సినిమా శ్రీలీల కెరీర్‌లో కీలకమైన మైలురాయిగా నిలిచే అవకాశం ఉందని సినీ విశ్లేషకులు అభిప్రాయపడుతున్నారు. మరి శ్రీలీల ఈ ప్రాజెక్ట్‌తో ఎలాంటి సంచలనం సృష్టిస్తుందో చూడాలి.