Seethamma Vakitlo Sirimalle Chettu: సీతమ్మ వాకిట్లో సిరిమల్లె చెట్టు చిత్రం 2013 జనవరి 11న రిలీజ్ అయ్యి బాక్సాఫీస్ దగ్గర బ్లాక్‌బస్టర్ విజయాన్ని అందుకుంది. ఇక ఈ సినిమాలో స్టార్ హీరోలు విక్టరీ వెంకటేష్, మహేష్ బాబు అన్నదమ్ములలాగా నటించి ఆకట్టుకున్నారు.తెలుగు సినిమాల్లో ఇది బెస్ట్ మల్టీస్టారర్ చిత్రాల్లో ఒకటిగా ఈ చిత్రం నిలిచింది. అయితే, ఇప్పుడు ఈ సినిమా రీ-రిలీజ్‌కు రెడీ అవుతున్నట్లు తెలుస్తోంది. ఈ చిత్ర రీ-రిలీజ్ పై వార్తలు చక్కర్లు కొడుతున్నాయి. ఇలాంటి క్లాసిక్ చిత్రాన్ని రీ-రిలీజ్ చేయాలని ప్రేక్షకులతో పాటు సినీ లవర్స్ కూడా కోరుతున్నారు. దీంతో ఈ మూవీ మేకర్స్ ఈ సినిమాను రీ-రిలీజ్ చేసేందుకు రెడీ అయ్యారు.అన్నీ అనుకున్నట్లు కుదిరితే, మార్చి 7న ‘సీతమ్మ వాకిట్లో సిరిమల్లె చెట్టు’ మరోసారి ప్రేక్షకులను అలరించడం ఖాయమని తెలుస్తోంది. ఈ సినిమాను స్టార్ ప్రొడ్యూసర్ దిల్ రాజు నిర్మించగా, శ్రీకాంత్ అడ్డాలా డైరెక్ట్ చేశాడు.
