సాయి రోణక్, అమృత చౌదరి హీరో హీరోయిన్లుగా క్రాస్ వైర్ క్రియేషన్స్ పై కళ్యాణ్ చక్రవర్తి నిర్మాతగా దర్శకుడిగా తెరకెక్కిన చిత్రం రివైండ్. ఆశీర్వాద్ సంగీతం అందించగా, శివ రామ్ చరణ్ సినిమాటోగ్రాఫర్ గా, తుషార పాలా ఎడిటర్ గా పనిచేశారు. జబర్దస్త్ నాగి, కేఏ పాల్ రామ్, అభిషేక్ విశ్వకర్మ, ఫన్ బకెట్ రాజేష్, భరత్ ఇతర ముఖ్య పాత్రలు పోషించారు. ఈ సినిమాకి సంబంధించిన టీజర్ మరియు ట్రైలర్ కి ప్రేక్షకుల నుంచి అద్భుతమైన రెస్పాన్స్ వచ్చింది. ఈనెల 18న ఈ సినిమాని సౌత్ ఇండియాలో పెద్ద ఎత్తున రిలీజ్ అయింది. మరి ఈ సినిమా ఎలా ఉంది అనేది ఇప్పుడు రివ్యూ లో చూద్దాం.
కథ :
ఒక సాఫ్ట్ వేర్ కంపెనిలో పని చేసే కార్తీక్ (సాయి రోణక్) తన అపార్ట్మెంట్లో శాంతి(అమృత చౌదరి)ని చూసి మొదటి చూపులోనే ప్రేమలో పడతాడు. ఆమె తన ఆఫీసులోనే పనిచేస్తుంది అనే విషయం తెలిసి మరింత సంబరపడతాడు. ఆమెకు తన ప్రేమ విషయం చెప్పేలోపే ఆమె తనకు ఒక ప్రియుడు ఉన్నాడన్న షాకింగ్ విషయాన్ని వెల్లడిస్తుంది. అయితే శాంతి తాత(సామ్రాట్)కు చెందిన ఒక బ్యాగ్ తన ఇంట్లోనే ఉందని తెలుసుకుని కార్తీక్ ఒకరోజు దాని ద్వారా టైం ట్రావెల్ చేయడానికి సిద్ధమవుతాడు. శాంతి తన ప్రియుడిని కలిసే రోజుకి టైం ట్రావెల్ చేసి వాళ్ళిద్దరిని కలవకుండా చేస్తే తాను శాంతి ప్రేమలో పడచ్చని అలా చేస్తాడు. అలా టైం ట్రావెల్ ద్వారా వెనక్కి వెళ్లిన కార్తీక్ అప్పుడు జరిగిన పరిణామాలను మార్చగలిగాడా? అసలు శాంతి తాతకు చెందిన బ్యాగ్ కార్తీక్ ఇంటికి ఎలా వచ్చింది? వెనక్కి వెళ్లిన కార్తీక్ తన తండ్రి(సురేష్) చావుని తప్పించగలిగాడా? తర్వాత ఏం జరిగింది? అనే విషయాలు తెలియాలంటే సినిమాని బిగ్ స్క్రీన్ మీద చూడాల్సిందే.
నటీనటుల విషయానికి వస్తే ఈ సినిమాలో కార్తీక్ అనే ఒక సాఫ్ట్వేర్ ఇంజనీర్ పాత్రలో సాయి రోనాక్ కరెక్ట్ గా సెట్ అయ్యాడు. ఒక పోష్ కుర్రాడిగా కనిపిస్తూ అలరించాడు. ఇక అమృత చౌదరి శాంతి పాత్రలో ఒదిగిపోయింది. ఒకపక్క అందంగా కనిపిస్తూనే మరో పక్కన తనదైన నటనతో ఆకట్టుకుంది. ఇక హీరో హీరోయిన్ల కెమిస్ట్రీ బాగా వర్కౌట్ అయింది. ఇద్దరి పెయిర్ బాగా స్క్రీన్ మీద చాలా ఫ్రెష్ గా కనిపిస్తోంది. ఇక మిగతా పాత్రల్లో కనిపించిన సురేష్, సామ్రాట్, వైవా రాఘవ, కేఏ పాల్ రాము వంటి వాళ్లు తమ పాత్రల పరిధి మేరకు ఆకట్టుకునేలా నటించారు. టెక్నికల్ టీం విషయానికి వస్తే ఈ సినిమాలో మంచి బ్యాగ్రౌండ్ స్కోర్ తోటి సంగీత దర్శకుడు ఆకట్టుకున్నారు. పాటల కూడా వినడానికి చాలా బాగున్నాయి. ఎడిటింగ్ కూడా క్రిస్పీగా ఉంది. నిర్మాణం విలువలు బాగున్నాయి సినిమా చాలా రిచ్ గా కనిపించింది. అందుకు సినిమాటోగ్రఫీ కూడా కీలకమైన పాత్ర పోషించిందని చెప్పొచ్చు.
విశ్లేషణ:
టైం ట్రావెల్ కాన్సెప్ట్ తో తెలుగులోనే కాదు అనేక భాషల్లో ఎన్నో రకాల సినిమాలు వచ్చాయి. ఈ సినిమా కూడా ఒక రకంగా టైం ట్రావెల్ కాన్సెప్ట్ తోనే తెరకెక్కింది. సినిమా మొదలైన వెంటనే ఈ విషయాన్ని ప్రేక్షకులకు అర్థమయ్యేలా చెప్పేసాడు డైరెక్టర్. సినిమా మొదలైన తర్వాత సామ్రాట్ తన కుటుంబాన్ని తానే వెతుక్కుంటూ రావడంతో ఆసక్తి మొదలవుతుంది. తర్వాత సామ్రాట్ మాయమవడం ఆ తర్వాత కథలోకి కార్తీక్, శాంతి ఎంట్రీ ఇవ్వడంతో వారిద్దరి క్యూట్ లవ్ స్టోరీతో ప్రేక్షకులను ఎంగేజ్ చేసేలా నడిపించాడు డైరెక్టర్. కరెక్ట్ గా ఇంటర్వెల్ సమయానికి అనేక ప్రశ్నలను ప్రేక్షకులకు వదిలేసి సెకండ్ హాఫ్ లో ఒక్కొక్క దాని చిక్కుముడి విప్పుతూ వెళ్ళాడు డైరెక్టర్. అలా వెళ్ళిన తర్వాత ఫస్ట్ ఆఫ్ లో ఉన్న ఎన్నో ప్రశ్నలకు సెకండ్ హాఫ్ లో సమాధానాలు దొరుకుతాయి. ఫస్ట్ ఆఫ్ నుంచి సెకండ్ హాఫ్ కి ఉన్న కనెక్టివిటీ ప్రేక్షకులను అబ్బుర పరుస్తుంది. ఇక సెకండ్ హాఫ్ లో క్లైమాక్స్ కూడా ఊహకు అందకుండా సెకండ్ పార్ట్ కి ఇచ్చే లీడ్ ఆసక్తికరమనిపిస్తుంది. టైం ట్రావెల్ చేసి గతాన్ని మార్చాలి అనుకున్న హీరో దాన్ని మార్చగలిగాడా లేదా అనే విషయాన్ని బిగ్ స్క్రీన్ మీద చూసి తెలుసుకుంటేనే మీకు కిక్..
మొత్తంగా రివైండ్ ఒక ఇంట్రెస్టింగ్ టైం ట్రావెల్ మూవీ.. కొంత భాగం కూడా మిస్ కాకుండా చూడాల్సిన సినిమా ఇది.
రేటింగ్ : 3
నటీనటులు :
సాయి రోణక్, అమృత చౌదరి, సురేష్, జబర్దస్త్ నాగి, కేఏ పాల్ రామ్, అభిషేక్ విశ్వకర్మ, ఫన్ బకెట్ రాజేష్, భరత్ తదితరులు
టెక్నీషియన్స్ :
నిర్మాణం : క్రాస్ వైర్ క్రియేషన్స్
మ్యూజిక్ : ఆశీర్వాద్
లిరిసిస్ట్ : రవివర్మ ఆకుల
సినిమాటోగ్రఫీ : శివ రామ్ చరణ్
ఎడిటర్ : తుషార పాలా
స్క్రీన్ ప్లే, నిర్మాత, దర్శకత్వం : కళ్యాణ్ చక్రవర్తి