PV Sindhu Marriage: భారత స్టార్‌ షట్లర్‌, రెండు సార్లు ఒలింపిక్స్‌ పతక విజేత పీవీ సింధు త్వరలోనే పెళ్లిపీటలెక్కనున్నారు. హైదరాబాద్‌లోని పోసిడెక్స్ టెక్నాలజీస్‌లో ఎగ్జిక్యూటివ్ డైరెక్టర్ వెంకట దత్త సాయిని డిసెంబర్ 22న రాజస్థాన్‌లోని ఉదయ్‌పూర్‌లో వివాహం చేసుకోబోతున్నారు.
కొంతకాలం గా రెండు కుటుంబాలకి పరిచయం ఉంది. కానీ ఒక నెల ముందు వీరి పెళ్లికి సంబంధించి ఓ నిర్ణయానికి తీసుకున్నాం అని పీవీ సింధు తండ్రి పీవీ రమణ తెలిపాడు. జనవరి నుంచి పీవీ సింధు పాల్గొనే గేమ్స్ షెడ్యూల్ స్టార్ట్ అవనుంది. అపటిలోపే పెళ్లి చేయాలి అని నిర్ణయించాం అని ఆయన చెప్పారు.
డిసెంబర్ 22న వివాహ వేడుక జరగనుంది
డిసెంబర్ 22న వివాహ వేడుక జరగనుంది. ఆ తర్వాత డిసెంబర్ 24న హైదరాబాద్‌లో రిసెప్షన్ నిర్వహిస్తారు . “రాబోయే సీజన్ చాలా కీలకమైనందున సింధు త్వరలో శిక్షణను తిరిగి ప్రారంభిస్తుంది” అని రమణ తెలిపారు. రెండుసార్లు ఒలింపిక్ పతక విజేత వివాహ సంబంధిత ఈవెంట్‌లు డిసెంబర్ 20న ప్రారంభమవుతాయి.
లాస్ ఏంజెల్స్‌లో 2028లో జరిగే ఒలింపిక్స్‌ కోసం సిద్ధమవుతున్న తరుణంలో కనీసం రెండేళ్లపాటు బ్యాడ్మింటన్ పోటీల్లో పాల్గొనాలనే తన ఉద్దేశ్యాన్ని సింధు ఆదివారం వెల్లడించారు. ఈలోపు ఆమె పెళ్ళికి సంబంధించిన వార్తలు రావడం ఆమె అభిమానులకు ఆనందాన్నిస్తోంది.
ఇది కూడా చదవండి: ISL 2024-25: హైదరాబాద్ పరాజయం
పివి సింధు ఇటీవలే మూడో మహిళల సింగిల్స్ టైటిల్‌ను గెలుచుకుంది
PV Sindhu Marriage: సయ్యద్ మోదీ ఇంటర్నేషనల్ బ్యాడ్మింటన్ టోర్నమెంట్‌లో విజయం సాధించడం ద్వారా 29 ఏళ్ల సింధు ఇటీవలే సుదీర్ఘ టైటిల్ కరువును తీర్చుకుంది . ఆమె ఫైనల్‌లో 21-14, 21-16తో నిర్ణయాత్మక విజయంతో ప్రపంచ ర్యాంక్‌లో 119వ ర్యాంక్‌లో ఉన్న చైనాకు చెందిన వు లుయో యును ఓడించింది. ఈ టోర్నమెంట్‌లో ఇది సింధు మూడవ మహిళల సింగిల్స్ టైటిల్. గతంలో 2017 – 2022 సంవత్సరాల్లో గెలిచింది.
“ఈ విజయం నాకు చాలా ఆత్మవిశ్వాసాన్ని ఇచ్చింది” అని సింధు తన కెరీర్‌లో కొత్త విజయవంతమైన అధ్యాయం కోసం ఆశాభావం వ్యక్తం చేసింది. “29 ఏళ్ళ వయసులో, నా అనుభవం ఒక ప్రయోజనం. తెలివిగా ఇంకా వ్యూహాత్మకంగా ఉండటం చాలా ముఖ్యం నేను ఖచ్చితంగా రాబోయే కొన్ని సంవత్సరాల పాటు ఆడటం కొనసాగించబోతున్నాను.” అంటూ ఆమె ధీమా వ్యక్తం చేసింది .
పివి సింధు కెరీర్
PV Sindhu Marriage: మలేషియా, ఇండియా, ఇండోనేషియా ఇంకా థాయ్‌లాండ్‌లలో జరగబోయే టోర్నమెంట్‌ల కోసం సింధు తన ప్రణాళికలను వివరించింది. “మేము టోర్నమెంట్‌లను జాగ్రత్తగా ఎంచుకోవాలి. ఏ ఈవెంట్‌లను ఆడాలి, ఏది ఆడకూడదో అనే విషయంలో తెలివిగా ఉండటం చాలా అవసరం,” అని ఆమె వివరించింది.
భారతదేశంలో గొప్ప అథ్లెట్లలో ఒకరిగా విస్తృతంగా పరిగణించబడుతున్న సింధు ఐదు ప్రపంచ ఛాంపియన్‌షిప్ పతకాలను కలిగి ఉంది. 2019లో ఒక స్వర్ణంతో హైలైట్ చేయబడింది. ఆమె ఒలింపిక్ క్రీడలలో ఒక రజతం, కాంస్య పతకాన్ని కూడా సంపాదించింది. రియో 2016- టోక్యో 2020లో సింధు బ్యాక్-టు-బ్యాక్ ఒలింపిక్ విజయాలు సాధించింది సింధు . 2017లో ఆమె కెరీర్-అత్యున్నత ప్రపంచ ర్యాంకింగ్‌ను 2017లో సాధించింది.