Narendra Modi: తెలుగు తలమానికం, కళా తపస్వి, ప్రజానాయకుడు నందమూరి తారక రామారావు గారి జయంతిని పురస్కరించుకుని ప్రధానమంత్రి నరేంద్ర మోదీ గారు ఘన నివాళి అర్పించారు. ఎన్టీఆర్‌కు దేశ స్థాయిలో వచ్చిన గౌరవాన్ని చాటిచెప్పేలా, మోదీ ట్వీట్ ద్వారా భావోద్వేగంతో స్పందించారు.
“ఎన్టీఆర్ గారు తెలుగు సినీ రంగంలో ఒక అపూర్వ నటుడు. నాయకుడిగా దార్శనికత, ప్రజల పట్ల నిబద్ధత కలిగిన మహానుభావుడు. ఆయన పాత్రలు ప్రజల మదిలో చిరస్థాయిగా నిలిచిపోయాయి” అని ప్రధాని పేర్కొన్నారు.
సామాజిక న్యాయానికి ఎన్టీఆర్ కృషి
ఎన్టీఆర్ జీవితాన్ని ప్రజల శ్రేయస్సుకు అంకితం చేశారని, అణగారిన వర్గాల సాధికారత కోసం ఆయన చేసిన పోరాటం భారత రాజకీయ చరిత్రలో ప్రత్యేక మైలురాయిగా నిలుస్తుందని మోదీ అన్నారు.
“పేదలకు భరోసా కలిగించిన నాయకుడు ఎన్టీఆర్. సమాజ సేవలో ఆయన చూపిన తపన మా వంటి నాయకులకు ప్రేరణగా నిలుస్తోంది” అని ప్రధాని పేర్కొన్నారు.
ఆశయ సాధన కోసం కూటమి ప్రభుత్వం కృషి
ప్రధానమంత్రి మోదీ మరో కీలక వ్యాఖ్య చేస్తూ, ఆంధ్రప్రదేశ్‌లోని కూటమి ప్రభుత్వం ఎన్టీఆర్ ఆశయాల సాధన దిశగా కృషి చేస్తోందని తెలిపారు. ఈ మాటల ద్వారా ఎన్టీఆర్ నాయకత్వాన్ని కొనసాగించాలన్న సంకల్పానికి మద్దతుగా నిలిచారు.
ఎన్టీఆర్ గారు – రెండు రంగాల్లో చిరస్థాయిగా
-
సినీ రంగంలో 33 ఏళ్లు – శ్రావ్యమైన పాత్రలతో కోట్ల మంది అభిమానుల హృదయాల్లో స్థానం
-
రాజకీయాల్లో 13 ఏళ్లు – సామాన్యుడి గొంతుగా తిరుగులేని నాయకత్వం
ఎన్టీఆర్ వంటి వ్యక్తులు తరం తరం ప్రజలకు స్పూర్తిగా నిలుస్తారని ప్రధాని నరేంద్ర మోదీ పేర్కొన్న ఈ నివాళి మాటలు, తెలుగు ప్రజల గుండె చప్పుడు. జయంతి రోజున ఎన్టీఆర్‌ను స్మరించుకుంటూ… ప్రజల హృదయాల్లో నిలిచిపోయే వ్యక్తి ఎన్టీఆర్‌కు ఇవే మా కృతజ్ఞతాభివందనలు.
I pay homage to NTR Garu on his birth anniversary. He is widely admired for his efforts to serve society and empower the poor and downtrodden. His cinematic works also continue to enthral audiences. We are all deeply inspired by him.
The NDA Government in Andhra Pradesh, led by…
— Narendra Modi (@narendramodi) May 28, 2025