Pawan Kalyan: గ‌త వైసీపీ ప్ర‌భుత్వ హయాంలో జ‌రిగిన ఉపాధి హామీ ప‌థ‌కం ప‌నుల గురించి ఆంధ్ర‌ప్ర‌దేశ్ డిప్యూటీ సీఎం ప‌వ‌న్ క‌ల్యాణ్ సంచ‌ల‌న వ్యాఖ్య‌లు చేశారు. రాష్ట్ర అసెంబ్లీ స‌మావేశాల్లో భాగంగా సోమ‌వారం (మార్చి 17) జ‌రిగిన ప్ర‌శ్నోత్త‌రాల స‌మ‌యంలో ప‌వ‌న్ క‌ల్యాణ్ ఈ వ్యాఖ్య‌లు చేశారు. ప‌వ‌న్ వ్యాఖ్య‌ల‌పై స‌మావేశంలో కీల‌క స్థాయిలో చర్చలు జ‌రిగాయి.
Pawan Kalyan: గ‌త ప్ర‌భుత్వ హయాంలో జ‌రిగిన ఉపాధి హామీ ప‌థ‌కం ప‌నుల్లో పెద్ద ఎత్తున అవినీతి, అవ‌క‌త‌వ‌క‌లు జ‌రిగాయ‌ని ప‌వ‌న్ క‌ల్యాణ్ విమ‌ర్శించారు. త‌మ ప్ర‌భుత్వం అధికారంలోకి వ‌చ్చాక ఆ ప‌నుల‌పై చేప‌ట్టిన విచార‌ణ‌లో గ‌త అక్ర‌మాలు బ‌య‌ట‌ప‌డ్డాయని చెప్పారు. 25 మండ‌లాల్లో త‌నిఖీలు చేప‌డితే 16 మండ‌లాల్లో అక్ర‌మాలు జ‌రిగిన‌ట్టు గుర్తించామ‌ని ఈ సంద‌ర్భంగా ఆయ‌న తేల్చిచెప్పారు.
Pawan Kalyan: ఫీల్డ్ అసిస్టెంట్ల నుంచి ఇత‌ర అధికారుల వ‌ర‌కు ఈ అవినీతిలో భాగ‌మ‌య్యార‌ని ప‌వ‌న్ క‌ల్యాణ్ ధ్వ‌జ‌మెత్తారు. పెద్ద ఎత్తున జ‌రిగిన ప‌నుల్లో రూ.250 కోట్ల అవినీతి జ‌రిగింద‌ని గుర్తించామ‌ని, రూ.70 కోట్ల రిక‌వ‌రీ చేయ‌గలిగామ‌ని, 546 మండ‌లాల్లో సోష‌ల్ ఆడిట్ నిర్వ‌హించామ‌ని తెలిపారు. ఈ నెలాఖ‌రులోగా మిగ‌తా మండ‌లాల్లో సోష‌ల్ ఆడిట్ నిర్వ‌హిస్తామ‌ని వెల్ల‌డించారు.
Pawan Kalyan: ఇప్ప‌టికే 275 మందిపై క్ర‌మ‌శిక్ష‌ణ చ‌ర్య‌లు తీసుకున్నామ‌ని, 31 మంది ఫీల్డ్ అసిస్టెంట్లతోపాటు 12 మంది ఉద్యోగుల‌ను స‌స్పెండ్ చేశామ‌ని స‌భ‌కు వివ‌రించారు. ప‌నులు చేయ‌కుండానే చేసిన‌ట్టు రికార్డుల్లో అధికారులు, సిబ్బంది న‌మోదు చేశార‌ని ప‌వ‌న్‌క‌ల్యాణ్ స‌భ‌లో వెల్ల‌డించారు.
పోల‌వ‌రంపై వైసీపీ ప్ర‌భుత్వం నిర్ల‌క్ష్యం: మంత్రి నిమ్మ‌ల
Pawan Kalyan: గ‌త వైసీపీ ప్ర‌భుత్వ హయాంలో పోల‌వ‌రం ప్రాజెక్టుపై తీవ్ర నిర్ల‌క్ష్యం వ‌హించార‌ని వ్య‌వ‌సాయ శాఖ మంత్రి నిమ్మ‌ల రామ్మూర్తినాయుడు తెలిపారు. ప్ర‌శ్నోత్త‌రాల స‌మ‌యంలో మంత్రి వివ‌ర‌ణ ఇస్తూ ప‌లు విష‌యాల‌ను వెల్ల‌డించారు. గ‌త ప్ర‌భుత్వ హయాంలో నిధుల దుర్వినియోగం జ‌రిగిన‌ట్టు గుర్తించామ‌ని మంత్రి తెలిపారు. నిర్వాసితులంద‌రికీ న్యాయం చేస్తామ‌ని మంత్రి నిమ్మ‌ల భ‌రోసా ఇచ్చారు. ఉపాధి హామీ ప‌నుల్లో పెద్ద ఎత్తున అవ‌క‌త‌వ‌క‌లు జ‌రిగాయ‌ని కూడా తెలిపారు.