Nithiin: టాలీవుడ్ హీరో నితిన్‌కు ఇటీవల రెండు పెద్ద షాక్‌లు తగిలాయి. బలగం ఫేమ్ వేణు ఎల్దండి దర్శకత్వంలో రూపొందుతున్న ‘ఎల్లమ్మ’ సినిమా నుంచి నితిన్‌ను తప్పించి, శర్వానంద్‌ను హీరోగా తీసుకున్నట్లు సినీ వర్గాల సమాచారం. అలాగే, ప్రముఖ దర్శకుడు విక్రమ్ కె. కుమార్‌తో నితిన్ చేయాల్సిన ‘స్వారీ’ అనే సినిమా కూడా ఆగిపోయినట్లు తెలుస్తోంది. దీంతో అభిమానులు తీవ్ర నిరాశకు గురవుతున్నారు.
Also Read: Jananayagan: జననాయగన్: విజయ్ ఫ్యాన్స్‌కు సర్‌ప్రైజ్ అప్‌డేట్!
బలగం సినిమాతో ప్రేక్షకుల హృదయాలను గెలుచుకున్న దర్శకుడు వేణు ఎల్దండి, ‘ఎల్లమ్మ’ అనే కొత్త చిత్రంతో మరో సక్సెస్ కొట్టాలని ప్లాన్ చేశారు. ఈ సినిమాలో మొదట నాని హీరోగా అనుకున్నారు, కానీ షెడ్యూల్ సమస్యలతో అతను తప్పుకున్నారు. ఆ తర్వాత నితిన్‌ను హీరోగా ఖరారు చేశారు. అయితే, తాజా సమాచారం ప్రకారం, స్క్రిప్ట్‌లో మార్పులు, బడ్జెట్ సమస్యలు, ఇటీవల నితిన్ వరుస సినిమాల ఫ్లాప్స్ కారణంగా నిర్మాత దిల్ రాజు నితిన్‌ను తప్పించి, శర్వానంద్‌ను తీసుకున్నారు. ఈ సినిమా పీరియాడిక్ డ్రామాలో యాక్షన్, లవ్ స్టోరీని మేళవించిన కథగా రూపొందుతోంది. అయితే, నితిన్ ఇటీవలి సినిమాలు ‘తమ్ముడు’, ‘ఎక్స్‌ట్రార్డినరీ మ్యాన్’, ‘రాబిన్ హుడ్’ వంటివి బాక్సాఫీస్ వద్ద డిజాస్టర్‌గా నిలిచాయి. త్వరలో నితిన్ కొత్త ప్రాజెక్టులతో బౌన్స్ బ్యాక్ అవుతారని ఆశిద్దాం.