Hyderabad: ప్రపంచమంతా ఎంతో సంతోషంగా జరుపుకునే రోజు న్యూ ఇయర్. ఆ రాత్రి తాగి తందనాలు ఆడేవారు ఎందరో. ఈ క్రమంలోని తాగిన మత్తులో కొందరు వీరంగాలు చేస్తారు. అందుకోసం పోలీసులు ముందస్తు ప్రణాళిక సిద్ధం చేస్తుంటారు. అంతట లాగే హైదరాబాదులోనూ పోలీసులు ఆంక్షలు విధించారు. న్యూ ఇయర్ వేడుకలకు సంబంధించి హైదరాబాద్ సిటీ పోలీసులు మార్గదర్శకాలు విడుదల చేశారు. ఈవెంట్ ఆర్గనైజర్లు తప్పనిసరిగా నిబంధనలకు కట్టుబడి ఉండాలని, లేదంటే తీవ్ర చర్యలు ఉంటాయని హెచ్చరించారు.
ఫ్యామిలీ ఫ్రెండ్లీ వాతావరణం కోసమే ఈ నిబంధనలు అమలు చేస్తున్నామని, అందరూ తప్పకుండా వీటికి కట్టుబడి నూతన సంవత్సర వేడుకలు ఆనందంగా జరుపుకోవాలని పోలీసులు కోరారు. ఈవెంట్ వేదికల వద్ద సీసీటీవీ కెమెరాలు ఏర్పాటు చేయాలి. సెలబ్రేషన్స్ సందర్భంగా అసభ్యకర, అశ్లీల డ్యాన్స్‌లకు చోటులేదు.ధ్వని కాలుష్యం నేపథ్యంలో రాత్రి 10 గంటల తర్వాత లౌడ్ స్పీకర్లకు అనుమతి లేదు.బార్లు, పబ్‌లలో మైనర్లకు అనుమతి లేదు.పార్టీల్లో డ్రగ్స్ వినియోగించినా, సరఫరా చేస్తూ దొరికినా కఠిన చర్యలు.