Ladhak::కేంద్రపాలిత ప్రాంతమైన లఢక్‌లోని లేహ్ పట్టణంలో ఓ ఆర్మీ క్యాంపులో అగ్ని ప్రమాదం సంభవించింది. డిగ్రీ కాలేజీ సమీపంలో ఉన్న ఆర్మీ స్థావరంలో మంటలు ఊపిరి పీల్చేలా ఎగిసిపడ్డాయి. మంటలు వ్యాపిస్తున్న విషయం గమనించిన జవాన్లు వెంటనే ఆర్మీకి చెందిన అగ్నిమాపక విభాగానికి సమాచారం అందించారు.
అగ్నిమాపక బృందాలు హుటాహుటిన ఘటనాస్థలికి చేరుకొని ఫైరింజన్ల సహాయంతో మంటలను అదుపులోకి తీసుకొచ్చాయి. కొన్ని గంటల పాటు శ్రమించి వారుతో మంటలను పూర్తిగా ఆర్పేశారు.
ఈ ఘటనపై ఆర్మీ అధికారులు దర్యాప్తును ప్రారంభించారు. ప్రమాదానికి గల కారణాలు ఇంకా తెలియాల్సి ఉంది. సకాలంలో చర్యలు తీసుకోవడంతో ఎటువంటి ప్రాణనష్టం జరగలేదు. ఎవరికీ గాయాలు కాకుండా ప్రమాదం తప్పిందని అధికారులు తెలిపారు.
మంటలు ఎగిసిపడుతున్న దృశ్యాలు ఆ ప్రాంత ప్రజలను కాస్త భయాందోళనకు గురిచేశాయి. ఘటనకు సంబంధించిన వీడియోలు ప్రస్తుతం సోషల్ మీడియాలో చక్కర్లు కొడుతున్నాయి.